20.12.2025 | 18:06
Ֆուտզալի միջազգային ընկերական մրցաշարի մասնակիցներից մեկը չի ժամանել Երևան
Ուկրաինան հարվածել է ռուսական նավի․ ՏԵՍԱՆՅՈՒԹ
Քաղաքականություն
11.09.2025 | 17:29
Ուկրաինայի գլխավոր հետախուզական վարչությունը հայտարարել է, որ սեպտեմբերի 10-ին ուկրաինական հատուկ նշանակության ուժերը գործողություն են իրականացրել, որի ընթացքում Նովոռոսիյսկի ափերի մոտ հարձակվել են Ռուսաստանի Սևծովյան նավատորմի MPSV07 նախագծի թանկարժեք նավի վրա։ Այն բազմաֆունկցիոնալ վթարափրկարարական նավ է, որը շահագործման է հանձնվել 2015 թվականին, գրում է The Insider-ը։
Դրա արժեքը մոտավորապես 60 միլիոն դոլար է, Ռուսաստանը նման չորս նավ ունի։ Այս մասին հայտնում է Ուկրաինայի ՊՆ գլխավոր հետախուզական վարչությունը։ Ամենայն հավանականությամբ, խոսքը «Փրկարար Դեմիդովի» մասին է, գրում է The Insider-ը։
Ուկրաինայի գլխավոր հետախուզական վարչության տվյալներով՝ հարվածը հասցվել է ուկրաինական մարտական անօդաչու թռչող սարքի միջոցով, դատելով տեսանյութից՝ FPV անօդաչու թռչող սարքի։ Այն հարվածել է կառավարման կամրջին, որտեղ գտնվում են նավիգացիոն և կապի սարքավորումները։ Հարձակման արդյունքում ոչնչացվել է ռադիոէլեկտրոնային հետախուզության սարքավորումը, նավը լրջորեն վնասվել է և այժմ կարիք ունի վերանորոգման։
Հարձակման պահին ռուսական նավը կատարել է ռադիոէլեկտրոնային հետախուզություն և պարեկել Նովոռոսիյսկի ծոցի մատույցներում, որտեղ, ըստ ուկրաինական հետախուզության, ՌԴ-ն կենտրոնացրել է Սևծովյան նավատորմի մնացորդները։
Թարգմանությունը՝ Էմմա Չոբանյանի
