23.06.2026 | 22:01
Պայթյուն Թուրքիայի զինամթերքի պահեստներից մեկում. կան զոհեր
ԱՄՆ դատարանը անօրինական է ճանաչել Թրամփի սահմանած առևտրային տուրքերի մեծ մասը
Քաղաքականություն
30.08.2025 | 14:42
ԱՄՆ Կոլումբիայի դաշնային շրջանի վերաքննիչ դատարանը որոշում է կայացրել, ըստ որի՝ նախագահ Դոնալդ Թրամփի կողմից օտարերկրյա պետությունների դեմ սահմանված ներմուծման մաքսատուրքերի մեծ մասը համարվում է անօրինական։ «Արմենպրես»-ի հաղորդմամբ՝ այս մասին հայտնում է Reuters-ը։
Նշվում է, որ որոշումն ընդունվել է 7 կողմ, 4 դեմ ձայներով։
Միևնույն ժամանակ դատարանը մաքսատուրքերի գործողությունը թողել է ուժի մեջ մինչև հոկտեմբերի 14-ը, որպեսզի ԱՄՆ նախագահի վարչակազմին հնարավորություն տրվի դիմել Գերագույն դատարան։
ԱՄՆ նախագահ Դոնալդ Թրամփը, մեկնաբանելով դատարանի որոշումը Truth Social սոցիալական ցանցում, ընդգծել է, որ մաքսատուրքերի վերացումը «լիակատար աղետ կլինի երկրի համար»։
«Դա մեզ ֆինանսապես թուլացնելու է, իսկ մենք պետք է ուժեղ լինենք։ ԱՄՆ-ն այլևս չի հանդուրժի առևտրի հսկայական դեֆիցիտը, անարդար սակագները և առևտրային խոչընդոտները, որոնք մտցվել են այլ երկրների կողմից՝ ինչպես ընկերների, այնպես էլ թշնամիների։ Դրանք խաթարում են մեր արտադրողներին, ֆերմերներին և բոլորին։ Եթե այս որոշումն ուժի մեջ մնա, այն բառացիորեն կոչնչացնի Ամերիկայի Միացյալ Նահանգները», – գրել է Թրամփը։
