05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Անվտանգության ոլորտի կառավարման Ժնևյան պատվիրակության հետ քննարկվել է Ոստիկանության հենասյունային ծառայությունների ձևավորումը
Հասարակություն
29.08.2025 | 21:53
ՆԳ նախարարի տեղակալ Արմեն Մկրտչյանն ընդունել է Անվտանգության ոլորտի կառավարման Ժնևյան կենտրոնի պատվիրակությանը՝ հայաստանյան ծրագրի ղեկավար Անթյե Ֆրիցի գլխավորությամբ:
ՆԳՆ-ի փոխանցմամբ, փոխնախարար Մկրտչյանը ներկայացրել է ՆԳ նախարարությունում ու ենթակա ծառայություններում ընթացող բարեփոխումները, մասնավորապես՝ Ոստիկանության հենասյունային ծառայությունների ձևավորումը, ինչպես նաև անդրադարձել է առանձին ուղղություններով գրանցված ձեռքբերումներին ու ընթացիկ աշխատանքներին, որոնք կարևոր նշանակություն ունեն Եվրոպական միության հետ վիզաների ազատականացման գործընթացում։
Անթյե Ֆրիցը, շնորհակալություն հայտնելով ջերմ ընդունելության համար, վերահաստատել է Անվտանգության ոլորտի կառավարման Ժնևյան կենտրոնի պատրաստակամությունը՝ աջակցել Ոստիկանության ոլորտի բարեփոխումներին։
Հանդիպմանը քննարկվել են համագործակցության առավել ամրապնդման հնարավոր ուղղությունները, մասնավորապես՝ վերահսկողության ներքին մեխանիզմների սահմանման և ձևավորման, ոստիկանության բարեվարքության և էթիկայի սկզբունքների, ոստիկանության և համայնքի հարաբերությունների ամրապնդման վերաբերյալ հարցեր։
