20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
Դատախազության ապօրինի ծագում ունեցող գույքի բռնագանձման վարչության 3 դատախազ աշխատանքից ազատման դիմում է գրել
Հասարակություն
29.08.2025 | 17:50
Գլխավոր դատախազության ապօրինի ծագում ունեցող գույքի բռնագանձման վարչության 3 դատախազ աշխատանքից ազատման դիմում է գրել։ Տեղեկությունը հաստատում են Գլխավոր դատախազությունից։
Խոսքը վարչության դատախազներ Արտաշես Հարությունյանի, Համլետ Հարությունյանի և Ռուզաննա Խուդավերդյանի մասին է։ Դատախազ Արտաշես Հարությունյանն արդեն իսկ իր դիմումի համաձայն ազատված է աշխատանքից, իսկ Ռուզաննա Խուդավերդյանի և Համլետ Հարությունյանի ազատման հրամանները կլինեն սեպտեմբերի 10-ից հետո։
Նշենք, որ 2025 թվականի հուլիսի 3-ին, գլխավոր դատախազ Աննա Վարդապետյանի հրամանով, Կորյուն Սերոբյանը նշանակվել է ապօրինի ծագում ունեցող գույքի բռնագանձման վարչության պետ։ Փաստորեն, վարչության միանգամից 3 դատախազ ազատման դիմումը գրել է Սերոբյանի՝ վարչության պետ նշաանակվելուց հետո։
«Դատախազությունում պարբերաբար իրականացվում են կադրային բարեփոխումներ, լինում են և՛ նշանակումներ, և՛ ազատումներ, և՛ փոխադրումներ»,- հայտնում են Գլխավոր դատախազությունից։
Նշենք, որ երեք դատախազի աշխատանքից ազատումը կարող է լուրջ ծանրաբեռնվածություն առաջացել վարչության այլ դատախազների համար, եթե, իհարկե, այդ հաստիքներն արագորեն չհամալրվեն։
Հավելենք նաև, որ Դատախազությունը «Ապօրինի ծագում ունեցող գույքի բռնագանձման մասին» օրենքով նախատեսված գործառույթներ իրականացնող դատախազների թեկնածությունների ցուցակի համալրման նպատակով բաց մրցույթ է հայտարարել, և բավարարվել են բաց մրցույթին մասնակցելու համար դիմած հետևյալ անձանց հայտերը․
1․ Քրիստինե Գարիկի Մանուկյան,
2․ Արման Ապետնակի Մանուչարյան,
3․ Միլենա Կարենի Տոնեյան,
4․ Լիանա Վարդանի Ափանյան,
5․ Լիանա Արայիկի Մկրտչյան։
Արաքս Մամուլյան
