12.01.2026 | 21:13
Ալիևը Հայաստանին մեղադրել է ժամանակին Ադրբեջանի դեմ իրականացված «ջրային ահաբեկչության» մեջ
Ռուբիոն ու Ֆիդանը ռուս-ուկրաինական պատերազմը, տարածաշրջանային զարգացումներն են քննարկել
Քաղաքականություն
29.08.2025 | 16:10
Թուրքիայի ԱԳ նախարար Հաքան Ֆիդանը և ԱՄՆ պետքարտուղար Մարկո Ռուբիոն հեռախոսազրույց են ունեցել, քննարկել են Ռուսաստանի և Ուկրաինայի միջև խաղաղության ջանքերը։ Այս մասին հայտնել են թուրքական դիվանագիտական աղբյուրները, գրում է Daily Sabah-ը։
Ֆիդանն ընդգծել է, որ Թուրքիան պատրաստ է ստանձնել պատասխանատվությունը կարգավորման առաջխաղացման գործում։ Նրանք նաև անդրադարձել են Գազայի իրավիճակին, ընդ որում՝ Ֆիդանը շեշտել է մարդասիրական պայմանների բարելավման և հրադադարի հասնելու անհապաղ անհրաժեշտությունը։
Օրակարգում են եղել նաև Սիրիայի և երկկողմ հարցերը։
ԱՄՆ Պետքարտուղարության հաղորդագրության համաձայն էլ՝ պետքարտուղար Ռուբիոն Թուրքիայի արտաքին գործերի նախարար Հաքան Ֆիդանի հետ քննարկել է ԱՄՆ-Թուրքիա երկկողմ հարաբերությունների ամրապնդումը և համագործակցությունը որպես ՆԱՏՕ-ի դաշնակիցներ։
«Նրանք նաև քննարկել են Մերձավոր Արևելքում խաղաղության և կայունության նկատմամբ իրենց շարունակական աջակցությունը և համաձայնության են եկել շարունակական դիվանագիտության անհրաժեշտության հարցում՝ Ռուսաստան-Ուկրաինա պատերազմը բանակցային կարգավորման միջոցով ավարտին հասցնելու համար»,- ասվում է հաղորդագրության մեջ։
Թարգմանությունը՝ Էմմա Չոբանյանի
