09.08.2026 | 12:38
Հովիկ Աբրահամյանի որդին կալանավորվել է
ԱՄՆ Պետդեպը հավանություն է տվել Ուկրաինային 3350 ERAM հրթիռների վաճառքին
Քաղաքականություն
29.08.2025 | 15:30
ԱՄՆ Պետքարտուղարությունը հաստատել է Ուկրաինային 3350 երկար հեռահարության Extended Range Attack Munition (ERAM) հրթիռների հնարավոր լիովին վաճառքը։ Այս մասին հայտնել է Պենտագոնի ռազմական համագործակցության վարչությունը, գրում է Current time-ը:
Հրթիռների հետ մեկտեղ՝ առաջարկվում է Ուկրաինային մատակարարել ներկառուցված գլոբալ դիրքորոշման համակարգեր, օժանդակ սարքավորումներ, պահեստամասեր, սպառվող նյութեր և պարագաներ, ինչպես նաև ծրագրային ապահովում։
Հրթիռների և սարքավորումների ընդհանուր արժեքը կազմում է 825 միլիոն դոլար, որը կվճարեն Դանիան, Նիդերլանդները և Նորվեգիան, ինչպես նաև ԱՄՆ արտաքին ռազմական ֆինանսավորումը։
«Առաջարկվող վաճառքը կբարձրացնի Ուկրաինայի կարողությունը՝ դիմակայելու ներկա և ապագա սպառնալիքներին՝ նրան տրամադրելով լրացուցիչ հնարավորություններ ինքնապաշտպանության և տարածաշրջանային անվտանգության առաքելություններ իրականացնելու համար»,- ասվում է մամուլի հաղորդագրության մեջ։
Բացի այդ, նշվում է, որ հրթիռների վաճառքը «կխթանի Միացյալ Նահանգների արտաքին քաղաքականության և ազգային անվտանգության նպատակները՝ ամրապնդելով գործընկեր երկրի անվտանգությունը, որը Եվրոպայում քաղաքական կայունության և տնտեսական առաջընթացի շարժիչ ուժ է»։
Ավելի վաղ The Wall Street Journal-ը, հղում անելով իր աղբյուրներին, գրել էր, որ ERAM հրթիռների վաճառքի որոշումը, որոնց առավելագույն հեռահարությունը 450 կիլոմետր է, հետաձգվել է մինչև ԱՄՆ նախագահ Դոնալդ Թրամփի հանդիպումը ՌԴ նախագահ Վլադիմիր Պուտինի և Ուկրաինայի նախագահ Վլադիմիր Զելենսկիի հետ։
Թարգմանությունը՝ Էմմա Չոբանյանի
