25.06.2026 | 07:04
ԱԱ-2026. Մեքսիկան դարձյալ հաղթեց, ՀԱՀ-ը դուրս եկավ փլեյ-օֆֆ. ՏԵՍԱՆՅՈՒԹ
Նախարարությունից ո՛չ հերքում, ո՛չ հաստատում են Նարեկ Մկրտչյանի հրաժարականի մասին տեղեկությունը
Քաղաքականություն
20.08.2025 | 16:21
Աշխատանքի և սոցիալական հարցերի նախարարությունից ո՛չ հերքում, ո՛չ հաստատում են ԶԼՄ-ներում շրջանառվող տեղեկությունը, թե Նարեկ Մկրտչյանն առաջիկայում հրաժարականի դիմում է ներկայացնելու։ Նախարարի մամուլի խոսնակ Զառա Մանուչարյանը Factor.am-ի հետ զրույցում ասաց, որ տեղեկությունները չի մեկնաբանում, իսկ Նարեկ Մկրտչյանն այս պահին աշխատանքային պարտականություններն է կատարում։
Ավելի վաղ գրել էինք, որ ՔՊ պատգամավոր, ԱԺ Առողջապահության հարցերի մշտական հանձնաժողովի նախագահ Արսեն Թորոսյանը պատգամավորական մանդատը վայր դնելու դիմում է ներկայացրել ԱԺ նախագահին:
Ըստ իշխանական Civic.am-ի ՝ Արսեն Թորոսյանը կնշանակվի ՀՀ Աշխատանքի և սոցիալական հարցերի նախարար։
«Հրապարակ»-ն էլ գրել էր, որ Նարեկ Մկրտչյանը կնշանակվի ԱՄՆ-ում ՀՀ դեսպան՝ փոխարինելով Լիլիթ Մակունցին, որի պաշտոնավարման ժամկետն ավարտվում է։
Մանյա Պողոսյան
