16.07.2026 | 16:27
Գետահովիտում ՈՒԵՖԱ ստանդարտներով ֆուտբոլի մարզադաշտի կկառուցվի. գործադիրը 57,7 մլն դրամ է հատկացրել
Թեհրանն ուշադիր հետևում է Հարավային Կովկասում իրադրության զարգացմանը. Բաղաեի
Քաղաքականություն
17.08.2025 | 13:44
Իրանի արտաքին գործերի նախարարության ներկայացուցիչ Էսմայիլ Բաղաեին, մատնանշելով իրանական կողմի զգայունությունը երկրի հյուսիս-արևմուտքում տեղի ունեցող իրադարձությունների նկատմամբ, հայտարարել է, որ Թեհրանն ուշադիր հետևում է իրադրության զարգացմանը: IRNA գործակալության փոխանցմամբ՝ նա ընդգծել է, որ Իրանի իշխանությունները թույլ չեն տալիս որևէ հարցի ոչ պարզեցում, ոչ նսեմացում:
Անդրադառնալով Հարավային Կովկասի տարածաշրջանում վերջին իրադարձությունների կապակցությամբ Իրանի դիրքորոշմանը՝ Բաղաեին ասել է.
«Հարավային Կովկասը կարևոր նշանակություն ունի մեզ և տարածաշրջանի պետությունների, հատկապես Ռուսաստանի համար՝ քաղաքական, տնտեսական և աշխարհաքաղաքական առումներով»։
Բաղաեին կրկին ընդգծել է, որ Իրանի համար «կարմիր գիծ» է արտատարածաշրջանային ուժերի միջամտությունը՝ նշելով, որ Իրանը համոզված է, որ դա աշխարհաքաղաքական բարդությունների է հանգեցնում։
