21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Գազայի հատվածում սովից մահացածների թիվը հասել է 169-ի, որոնցից 93-ը երեխաներ են
Քաղաքականություն
02.08.2025 | 20:10
Գազայի հատվածում սովից մահացածների թիվը հասել է 169-ի։ Շաբաթ օրը տարածված հայտարարության մեջ Գազայի առողջապահական նախարարությունը հայտնել է, որ սովի և թերսնուցման հետևանքով հիվանդանոցներում գրանցվել է ևս յոթ զոհ, ինչի հետևանքով մահացածների ընդհանուր թիվը հասել է 169-ի, որոնցից 93-ը՝ երեխաներ։
Հայտարարության մեջ ընդգծվում է, որ Գազայում հումանիտար ճգնաժամը շարունակում է սրվել՝ շրջափակման, ինչպես նաև սննդի և դեղորայքի ծանր պակասի պատճառով։ Տեղական իշխանությունները կրկին անհապաղ միջամտելու կոչ են արել միջազգային հանրությանը և մարդասիրական կազմակերպություններին։
Հիշեցնենք, որ Գազայում Իսրայելի լայնածավալ ռազմական հարձակումը սկսվել է 2023 թվականի հոկտեմբերի 7-ին։ Այս տարվա մարտ ամսից ի վեր Իսրայելը ամբողջությամբ փակել է Գազայի հատվածի բոլոր անցակետերը՝ արգելափակելով սննդի և դեղորայքի մուտքը։
Միավորված ազգերի կազմակերպության Փախստականների օգնության և աշխատանքների գործակալությունը ավելի վաղ նախազգուշացրել էր, որ հինգ տարեկանից ցածր երեխաների մոտ թերսնման դեպքերը կրկնապատկվել են մարտից մինչև հունիս ժամանակահատվածում։
