17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Մեկ օրում բացահայտվել է 112 հանցագործություն, հայտնաբերվել է 10 հետախուզվող
01.08.2025 | 14:40
Հուլիսի 31-ից օգոստոսի 1-ը հանրապետությունում բացահայտվել է 112 հանցագործություն, որոնցից 7-ը՝ նախկինում կատարված: Այս մասին հայտնում են ՆԳՆ ոստիկանությունից։
Մասնավորապես՝
- 14 դեպք՝ պաշտոնեական լիազորությունների չարաշահման,
- 12 դեպք՝ թմրանյութի հայտնաբերման,
- 11-ական դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, մարմնական վնասվածք պատճառելու, խարդախության,
- 9 դեպք՝ ֆիզիկական ներգործության,
- 4-ական դեպք՝ սառը զենքի հայտնաբերման, հոգեկան ներգործության, փաստաթղթի կեղծիքի,
- 3-ական դեպք՝ անձնական ունեցվածքի գողության, զենք- զինամթերքի առգրավման,
- 2-ական դեպք՝ գույքը ոչնչացնելու կամ վնասելու, թմրանյութի իրացման։
Բացահայտվել են նաև բնակարանային գողության, վստահված գույքը հափշտակելու, դրամանենգության, պաշտոնեական կեղծիքի կամ անփութության, ծառերը, թփերը ապօրինի հատելու, երեխային ծնողից բաժանելու, կանխամտածված սնանկության, աշխատանքի պաշտպանության կանոնները խախտելու, ապօրինի ողորկափող հրազեն կրելու, ինքնիրավչության, թմրամիջոցներ պարունակող բույսեր ցանելու կամ աճեցնելու դեպքեր։
Նախկինում կատարված հանցագործություններից բացահայտվել է՝ 5 դեպք՝ անձնական ունեցվածքի գողության, 1-ական դեպք՝ խարդախության և ֆիզիկական ներգործության։
Հայտնաբերվել է 10 հետախուզվող, կամավոր ներկայացել՝ 3-ը։
Անցած 1 օրում գրանցվել է 17 ավտովթար․ 17 մարդ ստացել է տարբեր աստիճանի մարմնական վնասվածքներ։
