06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Կրեմլը վախեցնում է՝ ՀՀ-ն իր տարածքն է, կամ՝ Թուրքիան և Ադրբեջանը կվերացնեն մեզ․ նեոգաղութատիրական քաղաքականություն է․ Էդգար Վարդանյան. ՏԵՍԱՆՅՈՒԹ
Քաղաքականություն
23.07.2025 | 21:00
«Կրեմլի պրոպագանդայի կեղծիքն է՝ Արևմուտքը Փաշինյանին բերեց իշխանության, որ ՌԴ-ին դուրս մղի, Թուրքիային բերի։ Կրեմլը վախեցնում է հայկական հանրությանը, թե ՀՀ-ն իր տարածքն է, և եթե մենք համաձայն չենք դրա հետ՝ Թուրքիան և Ադրբեջանը կվերացնեն մեզ։ Սա Ռուսաստանի նեոգաղութատիրական քաղաքականությունն է։ ՌԴ-ն Թուրքիայից մեր վախը շահագործում է՝ համոզելու, որ կկործանվենք, եթե իր ազդեցությունից դուրս գանք, և, իբրև թե, ինքը մեզ փրկում է։ ՌԴ-ն շանտաժով վախեցնում է ՀՀ-ին, որ վերահսկի, բայց ինքը անվտանգային պարտավորությունից հրաժարվեց Հայաստանի նկատմամբ։ ՌԴ-ն հիբրիդային դիվերսիաներ արեց, երբ ՀՀ-ն ասաց՝ ԵՄ-ին է անդամակցելու, ՀԱՊԿ-ից դուրս կգա, և պարզվեց, որ ՀՀ-ն ասում է՝ իր դաշնակիցը չէ Ուկրաինայի դեմ պատերազմում»,- Factor TV-ի հետ զրույցում ասում է քաղաքագետ Էդգար Վարդանյանը՝ արձագանքելով ռուսական պրոպագանդիստներ Մարգարիտա Սիմոնյանի, Վլադիմիր Սոլովյովի և մյուսների՝ օրերս ՀՀ-ի ուղղությամբ հնչեցրած մեղադրանքներին։
Քաղաքագետը նաև անդրադարձել է մի շարք այլ հարցերի՝ ինչպես է ՌԴ-ն միջամտում հարևան երկրների ներքաղաքական գործերին, ինչպիսի մեխանիզմներ է գործարկում ՀՀ-ում՝ իշխանափոխության հասնելու, ինչպիսի նարատիվներ է ներդնում ՀՀ քաղաքական դիսկուրսում, 2026-ի ԱԺ ընտրությունների ընթացքում ինչպիսի վարքագիծ է դրսևորելու և այլն։
Հարցազրույցն ամբողջությամբ՝ տեսանյութում։
Ռոբերտ Անանյան
