Հնարավոր չէ՞ հակադարձել առանց «դոմփելու» բառապաշարի․ Փաշինյանը՝ իր խոսույթի մասին․ ՏԵՍԱՆՅՈՒԹ

«Կտրիճ Ներսիսյանի մերձավոր մարդը, պաշտոնապես եկեղեցու սպասավորը, գրառում է կատարում, որ ՀՀ վարչապետը թլպատված է։ Սա նշանակում է, որ վարչապետը սուտ էր ասում, որ հայ առաքելական եկեղեցու հետևորդ է կամ, ընդհանրապես, քրիստոնյա է։ Ես ընտրում եմ ամենահամոզիչ փաստարկը, որ քննարկումը դադարի»,- անդրադառնալով FactorTV-ի հարցին, ասաց վարչապետ Նիկոլ Փաշինյանը։

Factor TV-ն մասնավորապես հետաքրքրվել էր. «Վերջին երկու ամիսներին Ձեր կիրառած բառապաշարը, որը ուղիղ եթերում կրկնելը, մեղմ ասած, դժվար է, տարակուսանք է առաջացնում մարդկանց մոտ․ «դոմփելուց» մինչև սեփական սեռական օրգանը ցուցադրելու պատրաստակամություն։ Անգամ Ֆեյսբուքը Ձեր գրառումն արգելափակեց՝ այն հակաէթիկական համարելով։ Դեռահասների ծնողները մտահոգված են, թե ինչ են սովորում իրենց երեխաները Հայաստանի վարչապետից, որը միաժամանակ կրթվելու կոչեր է անում։ Հնարավոր չէ՞ պայքարել ընդդիմախոսների կամ քաղաքական հակառակորդների դեմ՝ առանց հայհոյախոսության և ատելության խոսքի»։

Փաշինյանի խոսքով՝ ինքը հանրության առաջ պատրաստ է պաշտպանել իր հոգևոր բարեպաշտությունը.

«Ինչո՞ւ ոչ ոք հոգևոր ծառայության մեջ գտնվող մարդուն չի հարցնում՝ Դուք ծառայության մեջ եք, վարչապետի օրգանների հետ ի՞նչ կապ ունեք, բա հայորդաց երկրի երեխաները ձեզնից ի՞նչ են սովորելու։ Որ վերջին հայհոյանքներն են ասում վարչապետի հասցեին, ես այդ ժամանակ երկրի ղեկավա՞րը չեմ, հենց սկսում եմ ինձ պաշտպանել՝ ասում են՝ վա՜յ երկրի ղեկավարն էս ի՜նչ ա ասում։ Երբ վարչապետի օրգանների հետևից են ընկնում, ես այդ ժամանակ երկրի ղեկավար չեմ, երբ այնպիսի փաստարկ եմ բերում, որ այլևս հարցեր չլինեն, ասում եք՝ բա երեխաներն ինչ պետք ա սովորե՞ն»։

Մանրամասները՝ տեսանյութում։