06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Պաշտոնական Անկարան հայտարարում է, որ տեղյակ չէ «Զանգեզուրի միջանցքի» վերաբերյալ ԱՄՆ-ի ծրագրերի մասին
Քաղաքականություն
14.07.2025 | 23:07
Թուրքիայի նախագահ Ռեջեփ Էրդողանի աշխատակազմից «ՌԻԱ Նովոստի»- ին հայտնել են, որ տեղյակ չեն «Զանգեզուրի միջանցքը» կառավարելու ԱՄՆ-ի մտադրության մասին հաղորդագրություններից:
«Մենք տեղյակ չենք, ուստի ոչինչ չենք կարող մեկնաբանել»,- «ՌԻԱ Նովոստի»-ին հայտնել են Էրդողանի վարչակազմից:
Ավելի վաղ Թուրքիայում ԱՄՆ դեսպան Թոմ Բարաքը հայտարարել էր, որ Միացյալ Նահանգներն առաջարկել է ստանձնել Հայաստանի և Ադրբեջանի միջև նախատեսված տրանսպորտային միջանցքի կառավարումը՝ երկու կովկասյան երկրների միջև երկար ժամանակ ձգձգված դիվանագիտական բանակցություններն առաջ մղելու նպատակով։
ՀՀ վարչապետի մամուլի խոսնակ Նազելի Բաղդասարյանն էլ «Արմենպրես»-ի հարցերին ի պատասխան ասել էր, որ Հայաստանը տարածաշրջանային ենթակառուցվածքների ապաշրջափակման հարցը քննարկում է բացառապես ՀՀ ինքնիշխանության, տարածքային ամբողջականության և իրավազորության համատեքստում. Հայաստանը չի քննարկել և չի քննարկում որևէ երրորդ կողմի սեփական ինքնիշխան տարածքի նկատմամբ վերահսկողությունն արտապատվիրակելը:
