Ադրբեջանի Մամուլի խորհուրդը քննարկել է «Sputnik Ադրբեջան»-ի հետ կապված իրավիճակը

Ադրբեջանի Մամուլի կառավարման խորհրդի այսօրվա նիստում քննարկվել է Ռուսաստանի լրագրողների միության (ՌԼՄ) նամակը արտասահմանյան կազմակերպություններին, լրագրողական և մարդու իրավունքների պաշտպանության միավորումներին՝ կապված «Sputnik Ադրբեջան» գործակալության աշխատակիցների ձերբակալության հետ, ինչպես նաև խորհրդի դիմումը միջազգային հանրությանը՝ այդ նամակին ի պատասխան։ Ասվում է, որ նշված դիմումը հիմնավորում է Ռուսաստանի լրագրողների միության կողմից «Sputnik Ադրբեջանի» հետ կապված իրավիճակը որպես խոսքի ազատության խախտում ներկայացնելու անթույլատրելիությունը։

Հանդիպման ժամանակ ևս մեկ անգամ ընդգծվել է, որ «Sputnik Ադրբեջանի» ղեկավար և գլխավոր խմբագիր Իգոր Կարտավիխի և գլխավոր խմբագիր Եվգենի Բելոուսովի կալանավորումները որևէ կապ չունեն լրագրողական գործունեության հետ։ Այս համատեքստում մինչ օրս գրանցվել են մի շարք միջադեպեր՝ թե՛ տեղական, թե՛ միջազգային մակարդակով, որոնք «վերաբերում են «Sputnik»-ի ոչ պրոֆեսիոնալ գործողություններին»։

Ընդգծվել է, որ, ընդհանուր առմամբ, «Ռուսաստանում արտասահմանյան լրատվամիջոցների համար լավ մտածված ռազմավարություն է դարձել Կրեմլի օրակարգի տարածմանն ուղղված տեղեկատվական և քարոզչական արշավներ անցկացնելը»։

Նշվել է, որ Ադրբեջանում իրավապահ մարմինների աշխատանքը համապատասխանում է օրենքին։ Կարտավիխի և Բելոուսովի դեմ ներկայում հետաքննություն է ընթանում։

Հիշեցնենք, որ Բաքվի դատարանը կալանքի տակ է թողել «Sputnik Ադրբեջան»-ի աշխատակիցներին։

Թարգմանությունը՝ Էմմա Չոբանյանի