31.10.2026 | 22:55
Հայտնաբերվել է զինծառայողի դի. ՊՆ
Բաքվի դատարանը կալանքի տակ է թողել «Sputnik Ադրբեջան»-ի աշխատակիցներին
Քաղաքականություն
08.07.2025 | 11:17
Բաքվի դատարանը մերժել է «Sputnik Ադրբեջան» գործակալության լրագրողներ Իգոր Կարտավիխի և Եվգենի Բելոուսովի փաստաբանների՝ խափանման միջոցը փոխելու վերաբերյալ միջնորդությունները։ Ադրբեջանական լրատվամիջոցների հաղորդմամբ՝ առաջին ատյանի դատարանի որոշումը՝ կալանքի տեսքով խափանման միջոցի վերաբերյալ, մնացել է ուժի մեջ։
Հիշեցնենք, որ Բաքվի Խաթայի շրջանային դատարանի որոշմամբ՝ Իգոր Կարտավիխը և Եվգենի Բելոուսովը կալանավորվել են 4 ամսով։ Նրանց մեղադրանք է առաջադրվել խարդախության, անօրինական ձեռնարկատիրության և հանցավոր ճանապարհով ձեռք բերված գույքի օրինականացման հոդվածներով։
Ադրբեջանի և Ռուսաստանի հարաբերությունները վերջին օրերին սրվել են՝ այն բանից հետո, երբ հունիսի 27-ին Եկատերինբուրգում ձերբակալվել էին ադրբեջանական ծագում ունեցող ավելի քան 50 անձինք։ Ձերբակալության ընթացքում մահացել է առնվազն երկու մարդ՝ Ադրբեջանի 60-ամյա քաղաքացի Հուսեյն Սաֆարովը և նրա եղբայրը՝ 55-ամյա Զիյադդինը։ Բաքուն պահանջում է պատասխանատվության ենթարկել մեղավորներին, իսկ Ադրբեջանի արտաքին գործերի նախարարությունը «խիստ բողոք» է հայտնել Ռուսաստանի դեսպանին։
Ի պատասխան՝ Բաքուն իր տարածքում ՌԴ քաղաքացիների ձերբակալություններ է իրականացրել։ Ադրբեջանի գլխավոր դատախազությունը քրեական գործ է հարուցել Ռուսաստանի անվտանգության ուժերի կողմից ադրբեջանցիների խոշտանգումների և սպանության փաստով։
Թարգմանությունը՝ Էմմա Չոբանյանի
