Թեժ բանավեճ՝ «մեր ձևով»․ կանխված ահաբեկչությո՞ւն, թե՞ քաղհալածյալներ․ ՏԵՍԱՆՅՈՒԹ

Քաղաքական հետապնդում՝ քրեական գործընթացների քողի ներքո, թե քրեական հետապնդում, որին փորձ է արվում քաղաքական երանգ տալ․ իրավապահ մարմինների վերջին օրերի գործողությունների, ընդդիմադիրների քրեական գործերի, հոգևորականների ու եկեղեցու շուրջ զարգացումների վերաբերյալ Factor TV-ն հրավիրել է բանավեճ, որին մասնակցում են փաստաբաններ Միհրան Պողոսյանը, Վարազդատ Հարությունյանը, Գևորգ Դավթյանը, իրավապաշտպան Նինա Կարապետյանցը, «Իրազեկ քաղաքացիների միավորում» հասարակական կազմակերպության ծրագրերի համակարգող Դանիել Իոաննիսյանը:

Հիշեցնենք, որ վերջին 1 ամսվա ընթացքում վարչապետ Նիկոլ Փաշինյանը պահանջում է կաթողիկոսից հեռանալ՝ հայտարարելով, թե խախտել է կուսակրոնության ուխտը, այս ընթացքում ահաբեկչության նախապատրաստման հոդվածով քրեական հետապնդում է հարուցվել «Սրբազան պայքար»-ի առաջնորդ Բագրատ արքեպիսկոպոս Գալստանյանի նկատմամբ, իշխանությունը զավթելու կոչ հնչեցնելու մեղադրանք  է ներկայացվել Հայ Առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանի նկատմամբ մի արարքի համար, որի օրինականությունը նախկինում ստուգվել է և հանցանք չի համարվել, կալանավորվել է գործարար Սամվել Կարապետյանը, որի՝ եկեղեցուն աջակցություն հայտնելու խոսքում իրավապահները հեղաշրջման կոչ են տեսել, դրան հաջորդել են նրան պատկանող ՀԷՑ-ի ազգայնացնելուն ուղղված օրինագծի ներկայացումն ու ԱԺ-ի կողմից ընդունումը, նրան պատկանող ընկերություններում խուզարկությունների շղթան։

Մանրամասները՝ տեսանյութում։

Արաքս Մամուլյան