07.06.2026 | 13:34
Ուրախ կլինեի, որ երկիրը չտանենք նոր ցնցումների․Կարապետյանը՝ հետընտրական հնարավոր զարգացումների մասին
ՊԵԿ նախագահը և Ուրուգվայի դեսպանը անդրադարձել են երկու երկրների միջև առևտրաշրջանառության ծավալներին
Հասարակություն
08.07.2025 | 23:30
Պետական եկամուտների կոմիտեի նախագահ Էդուարդ Հակոբյանը և Հայաստանում Ուրուգվայի Արևելյան Հանրապետության արտակարգ և լիազոր դեսպան Սիլվանա Լեսկա Բարոլինըանդրադարձել են երկու երկրների միջև առևտրաշրջանառության ծավալներին։
«Հանդիպմանն ընդգծել եմ Հայաստանի Հանրապետության և Ուրուգվայի Արևելյան Հանրապետության միջև հարկային և մաքսային ոլորտներում համագործակցության զարգացման կարևորությունը՝ հույս հայտնելով, որ այն կխթանվի համապատասխան ոլորտներում համագործակցության պայմանագրերի կնքման, ինչպես նաև ոլորտային լավագույն փորձի փոխանակման շրջանակում։
Անդրադարձ ենք կատարել նաև երկու երկրների միջև առևտրաշրջանառության ծավալներին՝ ընդգծելով արտաքին առևտրի խթանման անհրաժեշտությունը՝ հարկային և մաքսային համագործակցության հետագա խորացման համատեքստում»,- գրել է ՊԵԿ նախագահը։
