06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Թուրքիայի ընդդիմության ղեկավարը կարող է զրկվել պատգամավորական անձեռնմխելիությունից
Քաղաքականություն
08.07.2025 | 20:39
Թուրքիայի գլխավոր ընդդիմադիր Ժողովրդահանրապետական կուսակցության (CHP) նախագահ Օզգյուր Օզելին անձեռնմխելիությունից զրկելու միջնորդություն է ներկայացվել երկրի խորհրդարան։ Թուրքական լրատվամիջոցների հաղորդմամբ՝ Թուրքիայի Ազգային Մեծ ժողովի նախագահություն է ներկայացվել Ժողովրդահանրապետական կուսակցության նախագահ Օզգյուր Օզելի, İYİ կուսակցության խմբակցության փոխնախագահ Թուրհան Չոմեզի և Ժողովրդահանրապետական կուսակցության Ստամբուլի պատգամավոր Թուրան Թաշքըն Օզերի անձեռնմխելիությունից զրկելու վերաբերյալ եզրակացությունը։
Հիշեցնենք՝ հայտնի էր դարձել, որ Անկարայի գլխավոր դատախազը նոր հետաքննություն է սկսել ընդդիմության առաջնորդ Օզգյուր Օզելի դեմ՝ «նախագահին վիրավորելու» և այլ հանցագործությունների համար, որոնք կատարվել են ընդդիմադիր քաղաքապետերի ձերբակալությունից հետո արված արտահայտությունների համար։
Տեղական լրատվամիջոցներն ավելի վաղ հայտնել էին, որ ջանքեր են գործադրվում Օզելին խորհրդարանական անձեռնմխելիությունից զրկելու համար, որպեսզի հնարավոր լինի նրան ձերբակալել։
Թարգմանությունը՝ Էմմա Չոբանյանի
