05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Ականջներիդ օ՛ղ արեք, ՀՀ-ում ոչ մեկ չի՛ կարող հեղաշրջում անել․ Խաչատուր Սուքիասյան․ ՏԵՍԱՆՅՈՒԹ
Քաղաքականություն
08.07.2025 | 12:29
«Ոչ ոք Հայաստանում չի՛ կարող հեղաշրջում անել, ականջներիդ օ՛ղ արեք»,- այս մասին ԱԺ նիստում, որտեղ քննարկվում է «Հայաստան» խմբակցության պատգամավոր Արթուր Սարգսյանին անձեռնմխելիությունից զրկելու հարցը, ասաց «Քաղաքացիական պայմանագիր» խմբակցության պատգամավոր Խաչատուր Սուքիասյանը։
«Այսօր ինստիտուտները սկսել են աշխատել, իհարկե, որոշակի բյուրոկրատիա կա, որը որոշակի դժվարություն է առաջացնում, կամաց-կամաց ժամանակակից էկոնոմիկան առաջ է գալիս՝ թվայնացվում է, էդ բյուրոկրատիան ահավոր կնվազեցնեն ու ՀՀ-ն կզարգանա։
Սիրելի՛ քաղաքացիներ, վստա՛հ եղեք՝ ՀՀ-ն զարգանալու է, իր հարևանների հետ շատ լավ հարաբերություն է ունենալու, ՀՀ-ն դառնալու է տարածաշրջանում կենտրոն, պայմաններն ավելի լավ են լինելու, մարդիկ իրենց ապահով են զգալու, եկամուտներ են ունենալու, եկած գումարները վայելելու են»,- հայտարարեց պատգամավորը։
Նշենք, որ ԱԺ-ն քննարկում է «Հայաստան» խմբակցության պատգամավոր Արթուր Սարգսյանին անձեռնմխելիությունից զրկելու և կալանավորելու՝ գլխավոր դատախազ Աննա Վարդապետյանի միջնորդագիրը։
Ավելի վաղ նիստում ելույթ ունեցավ Արթուր Սարգսյանը։ Նա հայտարարեց, որ ամեն ինչ որոշված է իրեն անձեռնմխելիությունից զրկելու և կալանավորելու հարցում։
Ընդդիմադիր պատգամավորը հավելեց՝ պատրաստվում է 4 անչափահաս երեխաների, կնոջ հետ գնալ եկեղեցի, մոմ վառել և ինքնակամ ներկայանալ Քննչական կոմիտե։
Մանրամասները՝ տեսանյութում։
Մանյա Պողոսյան
