29.04.2026 | 15:35
Բեռնատարների հայ վարորդների՝ ՌԴ-ում գտնվելու ժամկետները երկարաձգվել են
Փաշինյանը գուցե կալանավորի Գարեգին Բ-ին, բայց չի կարող փոխել․ կունենանք ԱԱԾ-ում գտնվող կաթողիկոս. Արմեն Բադալյան. ՏԵՍԱՆՅՈՒԹ
Քաղաքականություն
07.07.2025 | 19:30
«Հայ առաքելական եկեղեցին չի գտնվում Նիկոլ Փաշինյանի հսկողության տակ, ինչը վտանգավոր է վարչապետի համար, քանի որ եկեղեցին շարունակում է մնալ այլընտրանքային տեղեկատվության աղբյուր»,- Factor TV-ի հետ զրույցում նման կարծիք է հայտնում քաղտեխնոլոգ Արմեն Բադալյանը նշելով, որ Փաշինյանը կարող է փորձել նույնիսկ կալանավորել Գարեգին Բ-ին, սակայն չի կարող նրան փոխել՝ «արդյունքում կունենանք ԱԱԾ-ում գտնվող կաթողիկոս»։
Բադալյանի կարծիքով՝ վարչապետը եկեղեցու վրա ճնշում է գործադրում՝ սպառնալով խուզարկություններով, սակայն Գարեգին Բ-ի հրաժարականին չի հասնի։
Նա անդրադառնում է նաև ռուսական ուղղությանը՝ նշելով, որ Ռուսաստանում արդեն փոխվել է Հայաստանի կուռատորը, և Փաշինյանը վախ ունի՝ չգիտի, թե հարվածը որտեղից է լինելու, և, ըստ Արմեն Բադալյանի, իշխանությունները «հեղաշրջման տեսարաններ են բեմադրում»։
«Խիստ կասկածում եմ, որ Սամվել Կարապետյանի քաղաքական մտքերն են այդ տեքստերի հիմքում, և հենց ՔՊ-ն է նրան համազգային լիդերի վերածել»,- ասում է Բադալյանը՝ անդրադառնալով գործարար Սամվել Կարապետյանի ակտիվությանը, նոր ուժ ձևավորելու մասին հայտարարությանը։
Հարցազրույցը՝ տեսանյութում։
Նարեկ Կիրակոսյան
