07.06.2026 | 19:33
«400 000 պիտի տամ քեզի, 400 000` ինձի». ՀԿԿ-ն ընտրակաշառքի գործով ձայնագրություն է հրապարակել
Մասկը՝ Թրամփից «հիասթափվելու» պատճառի մասին
06.07.2025 | 15:53
Գործարար Իլոն Մասկը հայտարարել է, որ փոխել է իր վերաբերմունքը ԱՄՆ նախագահ Դոնալդ Թրամփի նկատմամբ՝ վերջինիս վարած տնտեսական քաղաքականության պատճառով, գրել է հուլիսի 5-ին X-ի իր սոցիալական հարթակում։
«Բյուջետային դեֆիցիտը, որն արդեն հասել էր խելահեղ՝ 2 տրիլիոն դոլարի, նախկին նախագահ Ջո Բայդենի օրոք, Թրամփի քաղաքականության արդյունքում կարող է հասնել 2,5 տրիլիոնի։ Սա կբերի երկրի սնանկացմանը»,-նշել է Մասկը։
Այս հայտարարությունը նա արել է ի պատասխան օգտատիրոջ հարցին, թե ինչու է կտրուկ փոխել իր դիրքորոշումը Թրամփի նկատմամբ։
Նշենք, որ մինչ վերջերս Իլոն Մասկը զբաղեցնում էր ԱՄՆ կառավարության արդյունավետության բարձրացման վարչության (DOGE) համակարգողի պաշտոնը։ Նա համարվում էր հատուկ կարգավիճակ ունեցող պետական ծառայող և նախագահի մերձավոր խորհրդականներից մեկն՝ աշխատելով հասարակական հիմունքներով։
Մասկի կոշտ քննադատությունն ընդգծում է բյուջետային քաղաքականության կարևորությունը ԱՄՆ-ում նախագահական ընտրություններին ընդառաջ։
Հիշեցնենք՝ Մասկը հուլիսի 4-ին X սոցիալական ցանցում անցկացրած քվեարկության արդյունքներով հայտարարել է նոր քաղաքական կուսակցության՝ «Ամերիկա»-ի ստեղծման մասին։
