05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Չվճարող ուղևորները 1-2 շաբաթից կտուգանվեն, հսկիչներ կավելացվեն․ Լևոն Հովհաննիսյան. ՏԵՍԱՆՅՈՒԹ
Քաղաքականություն
05.07.2025 | 20:00
ԱԺ-ն, ՔՊ խմբակցության պատգամավորների կողմ ձայներով, երկրորդ ընթերցմամբ և ամբողջությամբ ընդունեց տրանսպորտի ուղեվարձը չվճարելու համար տուգանք նախատեսող օրինագիծը: Ըստ օրենքի՝ քաղաքացիները 15 հազար դրամով կտուգանվեն, եթե հանրային տրանսպորտից օգտվելիս չվճարեն ուղեվարձը կամ օգտագործեն մեկ այլ քաղաքացու տոմս։ Իսկ եթե ունեն տոմս, սակայն մեկ րոպեի ընթացքում այն չեն մոտեցրել վճարման սարքին, կտուգանվեն 3 հազար դրամով։ Երևանի փոխքաղաքապետ Լևոն Հովհաննիսյանը Factor TV-ի տաղավարում ասաց, որ օրենքը կկիրարկվի մեկ կամ երկու շաբաթից։
«Մեզ համար սա, նախևառաջ, ոչ թե վարչական իրավախախտումներով հավելյալ գումար հավաքելու գործիք է, այլ տրանսպորտի ուղեվարձի հավաքագրումը կանոնակարգելու»,- ասաց Հովհաննիսյանը։
Ո՞վ և ինչպե՞ս է տուգանելու քաղաքացիներին․ փոխքաղաքապետը միայն ասաց, որ հսկիչներ կլինեն, որոնք, սակայն, միաժամանակ բոլոր ավտոբուսներում չեն կարող հերթապահել։
«Ավելի լիարժեք և համապարփակ Երևանի քաղաքապետարանը գալիք շաբաթների ընթացքում հայտարարություն կտարածի։ Տեղեկատվական մի քանի արշավներ կանենք։ Օրենքի կիրառումից մեկ ամիս հետո էականորեն այլ պատկեր ենք ունենալու, քանի որ քաղաքացիների մոտ սովորույթ կձևավորվի, որ Երևանի հասարակական տրանսպորտի համար պետք է վճարեն և չեն կարող անվճար երթևեկել»,- նշեց Հովհաննիսյանը։
Փոխքաղաքապետն անդրադարձավ նաև տրանսպորտի ուղեվարձի թանկացմանը, թերհավաքագրումներին, նոր շարժակազմերի ձեռքբերմանը և Շենգավիթի նախկին թաղապետ Ռազմիկ Մկրտչյանի մասնակցությամբ միջադեպին։
Հարցազրույցն ամբողջությամբ՝ տեսանյութում։
Արփի Հակոբյան
