16.09.2026 | 19:14
Համաշխարհային օլիմպիադա. Շախմատի Հայաստանի հավաքականները մեկնարկեցին հաղթանակով
Արթուր Սարգսյանի նկատմամբ հանրային քրեական հետապնդում հարուցելու հարցով գլխավոր դատախազը դիմել է ԱԺ նախագահին
Քաղաքականություն
03.07.2025 | 21:51
Գլխավոր դատախազը պատգամավոր Արթուր Սարգսյանի նկատմամբ հանրային քրեական հետապնդում հարուցելուն համաձայնություն տալու մասին միջնորդագիր է ներկայացրել ՀՀ ԱԺ նախագահ Ալեն Սիմոնյանին։ Սիմոնյանն այս մասին գրառում է արել ֆեյսբուքյան էջում։
Ըստ դատախազության միջնորդագրում ներկայացված տվյալների՝ Արթուր Սարգսյանը նախապատրաստել է ահաբեկչություն և իշխանության յուրացում։
Մանրամասները՝ այստեղ։
ԱԺ նախագահը հատվածներ է հրապարակել ԱԺ «Հայաստան» խմբակցության պատգամավոր Արթուր Սարգսյանի կատմամբ քրեական հետապնդում հարուցելու թույլտվություն ստանալու համար ԱԺ-ին ներկայացված դատախազի միջնորդագրից։
Հիշեցնենք՝ հունիսի 25-ին ՀՀ քննչական կոմիտեն հայտարարություն էր տարածել, որ «Սրբազան պայքար» անվանումով շարժման մասնակիցները և ղեկավարները պլանավորել էին Հայաստանի Հանրապետությունում իրականացնել ահաբեկչական և իշխանությունը զավթելուն ուղղված գործողություններ: «Սրբազան պայքար» շարժման առաջնորդ Բագրատ արքեպիսկոպոս Գալստանյանին մեղադրանք է առաջադրվել ահաբեկչություն, զանգվածային անկարգություններ և իշխանության զավթում նախապատրաստելու հոդվածներով։
