29.04.2026 | 19:43
Հըմի էդ Հակոբիկի մոտ փող-մող ֆռո՞ւմ ա. ընտրակաշառքի գործով «Ուժեղ Հայաստան»-ի անունից գործող 5 անձ ձերբակալվել է. ՀԿԿ
«Sputnik»-ի՝ Ադրբեջանի քաղաքացիություն ունեցող աշխատակիցներն ազատ են արձակվել՝ չհեռանալու մասին ստորագրությամբ. ռուս հյուպատոսը հանդիպել է կալանավորված 2 աշխատակցին
Քաղաքականություն
03.07.2025 | 19:58
Ադրբեջանի դատարանը չհեռանալու մասին ստորագրությամբ ազատ է արձակել «Sputnik Ադրբեջան»-ի հինգ աշխատակցի, որոնք ձերբակալվել էին երկու օր առաջ, հաղորդում է «Sputnik Ближнее зарубежье»-ն։
««Sputnik Ադրբեջան»-ի բոլոր հինգ աշխատակիցները, որոնք հանրապետության քաղաքացիություն ունեն, քաղաքից չհեռանալու ստորագրության դիմաց ազատ են արձակվել»,- ասվում է հաղորդագրության մեջ։
«Sputnik Ադրբեջան» գործակալության գործունեության համար պայմաններ չկան, հայտարարել է «Россия сегодня» մեդիա խմբի գործադիր տնօրեն Դմիտրի Կիսելյովը։ Նա նշել է, որ գործակալության աշխատակիցների կալանավորումները «հիմք չունեն», նրանց ներկայացվել են «անհիմն մեղադրանքներ», նրանք կալանավորվել են «հորինված պատրվակով»։
Ադրբեջանում ուժայինները «Sputnik»-ի խմբագրությունում գործողություն էին իրականացրել Բաքվի և Մոսկվայի միջև հարաբերությունների վատթարացման ֆոնին, որը տեղի էր ունեցել Եկատերինբուրգում ադրբեջանցիների զանգվածային ձերբակալություններից հետո։
Հիշեցնենք՝ Բաքվի դատարանը 4 ամսով կալանավորել էր «Sputnik Ադրբեջան»-ի աշխատակիցներին։
Ադրբեջանում Ռուսաստանի հյուպատոսը հանդիպել է «Sputnik Ադրբեջան» գործակալության խմբագրության ղեկավար Իգոր Կարտավիխի և գլխավոր խմբագիր Եվգենի Բելոուսովի հետ։ Հաղորդվում է, որ նրանց տրամադրվում է դեղորայք և սնունդ, ստեղծված իրավիճակում նրանք որքան հնարավոր է՝ նորմալ են զգում իրենց։
Թարգմանությունը՝ Էմմա Չոբանյանի
