14.09.2026 | 21:13
Oգոստոսի կլիմայական պայմանները Հայաստանում
Կպատժեմ ՀԷՑ-ի այն ղեկավարին, ով կստիպի աշխատակիցներին գնալ Սամվել Կարապետյանի աջակցության հավաքին․ ՀԷՑ-ի տնօրեն․ ՏԵՍԱՆՅՈՒԹ
Քաղաքականություն
03.07.2025 | 19:00
«Քաղաքական գործընթաց է»,- Factor TV-ին տված հարցազրույցում «Հայաստանի էլեկտրական ցանցեր» ընկերության գլխավոր տնօրենի պաշտոնակատար Դավիթ Ղազինյանն այսպես է գնահատում ՀԷՑ-ի պետականացմանն ուղղված օրենքի նախագծի ընդունումը։
«Ապացույցները շատ են՝ սկսած տարօրինակ հոսանքազրկումներից, դժգոհություն գեներացնելու իրենց կարողությունից և պետական լծակների օգտագործումից։ Ոչ միայն ես, այլ նաև հարգված իրավաբաններ ու տնտեսագետներ կարծում են, որ իրավական գործընթաց իրականում գոյություն չունի»,- ասել է Ղազինյանը։
Անդրադառնալով հոսանքազրկումների խնդրին՝ Դավիթ Ղազինյանը նշել է․ «Երբ մենք ձեռք բերեցինք ՀԷՑ-ը, այն փաստացի սնանկացման եզրին էր։ Այսօր կարելի՞ էր անել այնպես, որ ընդհանրապես հոսանքազրկումներ չլինեին. իհարկե՝ ոչ։ Այն աշխատանքը, որ կատարվել է, արվել է գոնե այս մակարդակին հասնելու համար։ Մենք ցանկանում ենք արդյունքները տեսնել միանգամից, բայց դա հնարավոր չէ»։
Ղազինյանը նաև անդրադարձել է իշխանության կողմից հրապարակված տեղեկություններին, ըստ որոնց՝ ՀԷՑ-ի աշխատակիցներին պարտադրում են մասնակցել ընկերության սեփականատեր Սամվել Կարապետյանին աջակցող հավաքին։ Նրա խոսքով՝ նման պարտադրանք չկա, և աշխատակիցները, ըստ ցանկության, ազատ են իրենց ընտրության հարցում։
«Եթե որևէ մեկը ճնշման է ենթարկվում, կարող է դիմել իրավապահ մարմիններին»,- հավելում է նա։
Հարցազրույցն ամբողջությամբ՝ տեսանյութում։
Նարեկ Կիրակոսյան
