07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Ռուսական զորքերը ԱԹՍ-ով հարձակվել են Պոլտավայի զինկոմի շենքի վրա․ 2 զոհ, 11 վիրավոր կա․ ՏԵՍԱՆՅՈՒԹ
Քաղաքականություն
03.07.2025 | 15:24
Ռուսական զորքերը անօդաչու թռչող սարքերով հարձակվել են ուկրաինական Պոլտավայի վրա։ Հրդեհ է բռնկվել քաղաքի տարածքային զորակոչի և սոցիալական աջակցության կենտրոնի (զինկոմ) շենքում, հայտնել է Ուկրաինայի զինված ուժերի ցամաքային զորքերի հրամանատարությունը, փոխանցում է Current time-ը։
Ուկրաինացի զինվորականների տվյալներով՝ հարվածը տեղի է ունեցել մոտավորապես ժամը 9:00-ին։ Վնասվել է նաև մասնավոր բնակելի շենք, որի տարածքում հրդեհ է բռնկվել։
Պոլտավայի մարզային ռազմական վարչակազմի ղեկավար Վլադիմիր Կոգուտը մանրամասնել է, որ զոհվել է երկու մարդ, վիրավորվել՝ 11-ը, վնասվել են քաղաքացիական ենթակառուցվածքները։
Պոլտավայի քաղաքային խորհրդի քարտուղար Եկատերինա Յամշչիկովան էլ նշել է, որ քաղաքը ենթարկվել է անօդաչու թռչող սարքերի զանգվածային հարձակման։ Նրա խոսքով՝ տեղակայվում են օպերատիվ շտաբներ, տեղում աշխատում են բոլոր անհրաժեշտ ծառայությունները։
Թարգմանությունը՝ Էմմա Չոբանյանի
