16.07.2026 | 21:58
ԿԼ. «Ալաշկերտը» վերջին վայրկյաններին փրկվեց պարտությունից ու հաղթեց հետխաղային 11-մետրանոցներով․ ՏԵՍԱՆՅՈՒԹ
Ալիևն Արցախում ճանապարհ է բացել, Ստեփանակերտում մասնակցել երկաթուղային կայարանի համալիրի հիմնարկեքին
Քաղաքականություն
03.07.2025 | 16:33
Ադրբեջանի նախագահ Իլհամ Ալիևը գրավյալ Արցախում ճանապարհ է բացել։ Ադրբեջանական լրատվամիջոցների հաղորդմամբ՝ նա մասնակցել է Վարանդա-Շուշի ճանապարհի բացմանը։ Ադրբեջանի ավտոմոբիլային ճանապարհների պետական գործակալության խորհրդի նախագահ Սալեհ Մամեդովն Ալիևին տեղեկացրել է կատարված աշխատանքների մասին։
Նշվում է, որ գործող ճանապարհի երկարությունը 101 կիլոմետր է, իսկ նորի երկարությունը՝ 81,7 կիլոմետր։
Հաղորդվում է, որ Ալիևը Ստեփանակերտում նաև երկաթուղային և ավտոբուսային կայարանի համալիրի հիմնարկեքին է մասնակցել։ Թվային զարգացման և տրանսպորտի նախարար Ռաշադ Նաբիևն ու «Ադրբեջանի երկաթուղիներ»-ի նախագահ Ռովշան Ռուստամովը նրան տեղեկացրել են առաջիկա աշխատանքների և Ակնա-Ստեփանակերտ երկաթուղու նախագծի մասին։
Ադրբեջանական աղբյուրների փոխանցմամբ՝ Ալիևը ծանոթացել է հայաթափված Ստեփանակերտում, այսպես կոչված, Հաղթանակի զբոսայգում իրականացվող շինարարական աշխատանքներին։
Թարգմանությունը՝ Էմմա Չոբանյանի
