20.12.2025 | 18:06
Ֆուտզալի միջազգային ընկերական մրցաշարի մասնակիցներից մեկը չի ժամանել Երևան
ՏՏ ոլորտի համաշխարհային «Plug and play»-ի հետ համագործակցության երկարաժամկետ հիմքեր ենք ուզում դնել․ Մխիթար Հայրապետյան․ ՏԵՍԱՆՅՈՒԹ
Տնտեսություն
03.07.2025 | 11:55
Կառավարության որոշմամբ բարձր տեխնոլոգիական արդյունաբերության նախարարությունը աքսելերացիոն ծրագրի իրականացման հետ կապված ծառայությունները ձեռք կբերի մեկ անձից գնման ընթացակարգով՝ «Plug and Play» կազմակերպությունից:
Որոշման նախագծում նշված է, որ 2023 թվականի դեկտեմբերի 28-ին ՀՀ բարձր տեխնոլոգիական արդյունաբերության Նախարարությունը հայտարարել է աքսելերացիոն ծրագրի ձեռքբերման մրցույթ, որը չի կայացել՝ հայտեր չլինելու պատճառով:
«Հայաստանում իր գործունեության ընթացքում «Plug and Play»-ը ուսումնասիրել է տեղական ստարտափ էկոհամակարգը, արձանագրել է առկա խնդիրներն ու բացերը, կապեր է հաստատել տեղական ընկերությունների, վենչուրային ֆոնդերի, հրեշտակ ներդրողների (Հրեշտակ ներդրողը (անգլ.՝ angel investor) մասնավոր անձ է, որը ներդրում է կատարում ընկերության մեջ շատ վաղ փուլում, հաճախ՝ երբ այն դեռ չունի եկամուտ կամ պատրաստի արտադրանք – ԽՄԲ․) , ասոցացիաների, միությունների, համալսարանների ներկայացուցիչների հետ: Կազմակերպության հետ իրականացված հաջողված ծրագրի շրջանակում վեր են հանվել ծրագիրը լավարկելու և տեղական էկոհամակարգի համար ավելի համապատասխան դարձնելու բոլոր առաջարկները: Հիմք ընդունելով այն հանգամանքը, որ «Plug and Play»-ը արդեն իսկ քաջատեղյակ է հայաստանյան շուկային և ստարտափ էկոհամակարգին, ինչպես նաև Հայաստանի բուհերի հատ ունի համագործակցության փորձ՝ առաջարկվում է վերոնշյալ համագործակցությունը դարձնել շարունակական՝ հնարավորություն տալով ձեռք բերված արդյունքները զարգացնել առաջիկա տարիների ընթացքում»,- նշված է նախագծում։
Մանրամասները՝ տեսանյութում։
Արփի Հակոբյան
