06.10.2026 | 13:24
Որ մի քիչ ջանք թափեմ, էնքան կպայմանավորվեմ Ձեզ հետ․ Ռուբեն Ռուբինյանը՝ Քրիստինե Վարդանյանին․ ՏԵՍԱՆՅՈՒԹ
Պուտինի և Ալիևի հեռախոսազրույց առայժմ չի նախատեսվում․ Պեսկով
Քաղաքականություն
02.07.2025 | 17:11
Ռուսաստանի և Ադրբեջանի նախագահներ Վլադիմիր Պուտինի և Իլհամ Ալիևի հեռախոսազրույց առայժմ չի նախատեսվում, հայտարարել է ՌԴ նախագահի մամուլի խոսնակ Դմիտրի Պեսկովը, փոխանցում է Ինտերֆաքսը։
Նա նաև նշել է՝ Կրեմլը հույս ունի, որ Ադրբեջանի հետ հարաբերություններում առկա բոլոր հարցերը կարող են պարզաբանվել ուղիղ երկխոսության միջոցով։ Պեսկովն այսպես է պատասխանել հարցին՝ արդյո՞ք Մոսկվան մտահոգություններ ունի Բաքվի հետ համատեղ նախագծերի, այդ թվում՝ Հյուսիս-Հարավ տրանսպորտային միջանցքի ճակատագրի վերաբերյալ։
«Իհարկե, մենք հույս ունենք, որ եթե կան հարցեր, դրանք կհնչեն, կտրվեն համապարփակ պատասխաններ։ Սա շատ կարևոր նախագիծ է, որը համապատասխանում է երկու երկրների շահերին»,- ասել է Կրեմլի խոսնակը։
Այսօր ավելի վաղ Պեսկովը հայտարարել էր, որ Մոսկվան կպաշտպանի Ադրբեջանում ձերբակալված իր քաղաքացիների օրինական շահերը դիվանագիտական ճանապարհներով՝ օգտագործելով դրա համար հասանելի բոլոր միջոցները։
Թարգմանությունը՝ Էմմա Չոբանյանի
