23.06.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
ՌԴ-ն երբեք չի սպառնացել Ադրբեջանին․ Կրեմլը պնդում է` Կիևը փորձում է սեպ խրել Մոսկվայի և Բաքվի հարաբերություններում
Քաղաքականություն
02.07.2025 | 16:45
ՌԴ նախագահի մամուլի քարտուղար Դմիտրի Պեսկովն Ուկրաինայի ղեկավարությանը մեղադրել է Եկատերինբուրգի իրադարձությունները Մոսկվայի և Բաքվի միջև հարաբերություններում լարվածությունը սրելու համար օգտագործելու փորձերի մեջ։ Նա այսպես է մեկնաբանել Ադրբեջանի և Ուկրաինայի նախագահներ Իլհամ Ալիևի և Վլադիմիր Զելենսկիի միջև նախօրեին տեղի ունեցած հեռախոսազրույցը, գրում է Ինտերֆաքսը։
«Ուկրաինան կանի հնարավոր ամեն ինչ՝ կրակին յուղ լցնելու, ադրբեջանական կողմին հուզական գործողությունները շարունակելուն հրահրելու համար»,- ասել է Պեսկովը։
Նա հավելել է՝ «դա շատ հեշտ է կանխատեսել»։
«Ռուսաստանը երբեք չի սպառնացել և չի սպառնում Ադրբեջանին, նույնիսկ այն, ինչը դարձավ [Բաքվի արձագանքի] սկզբնական պատճառը, քննչական գործողություններն ու հանցագործությունների բացահայտման աշխատանքներն էին, այդ թվում՝ Ռուսաստանի Դաշնության տարածքում Ադրբեջանի քաղաքացիների նկատմամբ իրականացված հանցագործությունների բացահայտման ուղղությամբ»,- նշել է Պեսկովը։
Ըստ Կրեմլի խոսնակի՝ Կիևը, սակայն, «կանի ամեն ինչ, այս տեղեկատվությունը վերլուծելու և լարվածություն հրահրելու համար»։
Հիշեցնենք, որ նախօրեին Զելենսկին զանգահարել և աջակցություն է հայտնել Իլհամ Ալիևին՝ ՌԴ-ում ադրբեջանցիների մահվան դեպքերի ֆոնին։
Թարգմանությունը՝ Էմմա Չոբանյանի
