Քաղաքականություն
01.07.2025 | 22:58
Ուկրաինայի նախագահ Վլադիմիր Զելենսկին հեռախոսազրույց է ունեցել Ադրբեջանի նախագահ Իլհամ Ալիևի հետ։
«Ես զրույց ունեցա Ադրբեջանի նախագահ Իլհամ Ալիևի հետ։ Շնորհակալություն հայտնեցի նրան Ուկրաինային, մեր ժողովրդին և մեր տարածքային ամբողջականությանը ցուցաբերած աջակցության համար։ Ես նաև հայտնեցի Ուկրաինայի հստակ աջակցությունը այն իրավիճակում, երբ Ռուսաստանը ծաղրում է Ադրբեջանի քաղաքացիներին և սպառնում Ադրբեջանի Հանրապետությանը»,- գրել է Զելենսկին տելեգրամի իր ալիքում։
Նա նաև ցավակցություն է հայտնել Ադրբեջանին Ռուսաստանում Սաֆարով եղբայրների սպանության կապակցությամբ։
«Վստահ եմ, որ բոլոր փաստերը կպարզաբանվեն։ Արդարադատություն է անհրաժեշտ։ Մենք նույն տեսլականն ունենք նախագահ Ալիևի հետ. յուրաքանչյուր մարդու կյանքն ու արժանապատվությունը պետք է պաշտպանված լինեն»,- նշել է Ուկրաինայի նախագահը։
Նշվում է, որ քննարկվել են երկկողմ հարաբերությունները՝ էներգետիկան և հումանիտար ոլորտում համագործակցությունը։
«Մենք համաձայնության եկանք անցկացնել Տնտեսական համագործակցության միջկառավարական համատեղ հանձնաժողովի նիստ։ Մեր կառավարության պաշտոնյաները ակտիվացնում են իրենց աշխատանքը»,- հավելել է Զելենսկին։
Հիշեցնենք, որ Բաքվի և Մոսկվայի միջև հարաբերությունների նոր լարվածությունն առաջացել է ՌԴ ուժայինների կողմից Եկատերինբուրգում ադրբեջանցիների ձերբակալության ու մահվան դեպքերի պատճառով։ Բաքուն պնդում է, որ Եկատերինբուրգում ադրբեջացիները խոշտանգումների են ենթարկվել։ Ադրբեջանն առանձնակի դաժանությամբ սպանության վերաբերյալ քրգործ է հարուցել։
Թարգմանությունը՝ Էմմա Չոբանյանի
