07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
ՌԴ-ում հուլիսի 1-ից կսկսեն անջատել կենսաչափական տվյալներ չներկայացրած օտարերկրացիների բջջային կապը
Քաղաքականություն
01.07.2025 | 14:33
ՌԴ Թվային զարգացման նախարարությունը հայտնել է, որ հուլիսի 1-ից կսկսեն անջատել Միասնական կենսաչափական համակարգում չգրանցված օտարերկրյա քաղաքացիների բջջային կապը, փոխանցում է Meduza-ն։
2025 թվականի սկզբից օտարերկրացիները կարող են պայմանագիր կնքել կապի օպերատորի հետ միայն այն դեպքում, եթե ներկայացրել են կենսաչափական տվյալներ, և կարող են գրանցել ոչ ավելի, քան 10 SIM քարտ, ասվում է նախարարության տելեգրամ ալիքում հրապարակված հաղորդագրության մեջ։
Նրանք, ովքեր պայմանագրեր են կնքել ավելի վաղ, պետք է կենսաչափական տվյալներ ներկայացնեին մինչև հուլիսի 1-ը։
Նախարարությունը հայտնել է, որ օտարերկրացիների այն հեռախոսահամարները, որոնք ավելի քան երեք ամիս չեն գործել, անմիջապես կանջատվեն։ Ակտիվ համարները կանջատվեն փուլ առ փուլ. նախ՝ օտարերկրացիների միջազգային և միջքաղաքային կապի ծառայությունները կարգելափակվեն, իսկ ինտերնետի արագությունը կնվազի, իսկ 30 օր անց օպերատորները լիովին կդադարեցնեն ծառայությունների մատուցումը։
Գերատեսչությունը նշել է, որ ավելի քան երկու միլիոն օտարերկրացիներ գրանցվել են Միասնական կենսաչափական համակարգում և, նոր կանոնների համաձայն, կնքել են կապի պայմանագրեր։
Ռուսաստանի իշխանությունները հանդես էին եկել առաջարկով՝ խստացնել SIM քարտեր ձեռք բերող օտարերկրացիների կանոնները 2024 թվականին։ Ռուսաստանի թվային զարգացման նախարարությունը բացատրել է, որ դա անհրաժեշտ է գորշ (մոխրագույն) SIM քարտերի դեմ պայքարելու համար։
Թարգմանությունը՝ Էմմա Չոբանյանի
