08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Մի երկիր, որն ամենաշատ հարվածներն է հասցրել ՀՀ եկեղեցուն, ԱԳ նախարարը որոշել է պաշտպանել․ Բաբաջանյանը՝ Լավրովի հայտարարության մասին․ ՏԵՍԱՆՅՈՒԹ
Քաղաքականություն
30.06.2025 | 15:39
«Մի երկիր, որն ամենաշատ հարվածներն է հասցրել ՀՀ եկեղեցուն, հիմա այդ երկրի ԱԳ նախարարը եկեղեցու պաշտպանությամբ է զբաղվում»,- այս մասին ԱԳՆ շենքի դիմաց հրավիրված մամուլի ասուլիսի ժամանակ ասաց «Հանուն հանրապետության» կուսակցության նախագահ Արման Բաբաջանյանը։
«Ռուսաստանը որոշել է մեր երկրի իրավական գործերին խառնվել։ Ոչ մի կերպ չանդրադարձան ահաբեկչության մեղադրանքներին և ապացույցներին, բայց անհանգստացան, այսպես կոչված, եկեղեցու դեմ հարձակումներից։ Զարմանալի է՝ մի երկիր, որն ամենաշատն է հարվածել մեր եկեղեցուն, այդ երկրի ԱԳ նախարարը որոշել է այդ եկեղեցու պաշտպանությամբ հանդես գալ։ Սա ևս մեր երկրի կցկտուր արտաքին քաղաքականության հետևանքն է․ ԵՏՄ-ի, ՀԱՊԿ-ի հետ հարաբերությունները վերջնականապես չեն խզել»,- մատնանշեց քաղաքական գործիչը։
Հիշեցնենք, ՌԴ ԱԳ նախարար Սերգեյ Լավրովն այսօր հայտարարել է, որ «Հայաստանում ստեղծված իրավիճակը երկրի ներքին գործն է, սակայն եկեղեցու վրա հարձակումները մտահոգիչ են»։ Կայա Կալասի հետ համատեղ ասուլիսում Արարատ Միրզոյանն արձագանքելով Լավրովի հայտարարությանը՝ նշել է, որ Հայաստանում չկա իշխանությունների պայքար եկեղեցու դեմ, «պարոն Լավրովն ավելի լավ է չխառնվի ՀՀ ներքին գործերին»։
Մանրամասները՝ տեսանյութում։
Մանյա Պողոսյան
