29.04.2026 | 13:39
Ուկրաինական ԱԹՍ-ները հարձակվել են Պերմի և Օրենբուրգի մարզերի վրա. հաղորդվում է նավթավերամշակման գործարաններում հրդեհների մասին
Բուհերում կներդրվի կրթաթոշակային լայն համակարգ․ Ժաննա Անդրեասյան․ ՏԵՍԱՆՅՈՒԹ
Հասարակություն
30.06.2025 | 11:02
«Բարձրագույն կրթության և գիտության մասին» օրենքի նոր տարբերակը թույլ կտա ձևավորել և ձևակերպել այս ոլորտի բարեփոխման հիմնական մոտեցումները, այս մասին ԱԺ ԿԳՄՍ հանձնաժողովի արտահերթ նիստում ասաց նախարար Ժաննա Անդրեասյանը։
Նա ընդգծեց, որ օրենքի նոր փոփոխությամբ հիմնական շեշտադրումներից մեկը կլինի համալսարանների ֆինանսավորման համակարգի փոփոխությունը՝ շեշտը դնելով գիտական գործունեության զարգացման վրա։
«Այսօր համալսարաններում կրթությունը հիմնականում դասախոսությունների վրա է հիմնված: Միևնույն ժամանակ, ուսանողները գործնականում չեն մասնակցում գիտական աշխատանքին»,- նշեց Անդրեասյանը՝ հավելելով, որ նախարարության տվյալներով՝ դասախոսների միայն 6%-ն է ակտիվ գիտաշխատող։
Ժաննա Անդրեասյանի ներկայացմամբ՝ առաջարկվող նորամուծությունների թվում են համալսարանների միավորումը ակադեմիական ինստիտուտների հետ և կրթաթոշակների տրամադրման նոր համակարգը։
«Բուհերում կներդրվի կրթաթոշակային լայն համակարգ։ Ոչ մի պատշաճ առաջադիմության ուսանող վարձը չվճարելու պատճառով դուրս չի մնա բուհից նախարար»,- հավելեց նա։
Բացի այս, ըստ Անդրեասյանի, օրենքում առանձին անդրադարձ կա համալսարանների կառավարման համակարգին։ Նրա խոսքով՝ պետական պաշտոն զբաղեցնող կամ քաղաքական կուսակցությունների անդամ անձինք չեն կարողանա մասնակցել կրթական հաստատությունների կառավարմանը։
ԿԳՄՍ նախարարը նաև ասաց, որ բուհերում նաև ընդունելության նոր համակարգ կներդրվի։
Հիշեցնենք, որ հունիսի 27-ին Ազգային ժողովում բարձրագույն կրթության և գիտության ոլորտի բարեփոխումների թեմայով նախարար Ժաննա Անդրեասյանի մասնակցությամբ հանրային քննարկում էր տեղի ունեցել։
Մանրամասները՝ տեսանյութում։
Մանյա Պողոսյան
