04.08.2026 | 21:56
Չեմպիոնների լիգա․ «Արարատ-Արմենիան» կամային հաղթանակ տարավ «Ցելյեի» նկատմամբ. ՏԵՍԱՆՅՈՒԹ
Ձերբակալված է 16 անձ․ հայտնի են նրանցից 12-ի անունները
Հասարակություն
25.06.2025 | 20:23
Հրայր սարկավագ Հակոբյանին և Աղվան Արշակյանին մեղադրանք է առաջադրվել ահաբեկչության նախապատրաստում և իշխանության յուրացում հոդվածներով։ Տեղեկությունը Factor TV-ի հետ զրույցում հաստատեց քննչական կոմիտեի մամուլի քարտուղար Կիմա Ավդալյանը։
Հիշեցնենք՝ այսօր վաղ առավոտից խուզարկություններ են սկսվել «Սրբազան պայքարի» ղեկավար Բագրատ Գալստանյանի և նրա համակիրների բնակարաններում։ Արդեն կեսօրին իր կեցավայրից բերման էր ենթարկվել Գալստանյանը, ավելի ուշ հայտնի դարձավ, որ նրան մեղադրանք է առաջադրվել ահաբեկչություն նախապատրաստելու, զանգվածային անկարգություններ հրահրելու հոդվածներով։
Այս պահին ձերբակալված է 16 անձ, «Սրբազան պայքարի» տելեգրամյան ալիքը հրապարակել է նրանցից 12-ի անունները.
«Այս պահին ձերբակալված անձինք են Բագրատ Գալաստանյանը, Կարո Օկումուշյանը, Տիգրան Թոփալյանը, Տիգրան Գալստյանը, Դավիթ Գալստյանը, Միհրան Մախսուդյանը, Հրայր սարկավագ Հակոբյան, Աղասի Արշակյանը, Իգոր Սարգսյանը, Արա Ռոստոմյանը, Արմեն Ալեքսանյանը, Մովսես Շարբաթյանը»։
Ռոզա Վարդանյան
