12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Կարո՞ղ է ընդդիմադիրներն ասեն՝ ՀԷՑ-ն ազգային արժեք է․ Ռուբեն Ռուբինյան․ ՏԵՍԱՆՅՈՒԹ
Քաղաքականություն
18.06.2025 | 14:54
«Կարո՞ղ է ընդդիմադիրներն ասեն՝ ՀԷՑ-ն ազգային արժեք է: Մեզ համար ազգային արժեքները մեր պետականությունն են, լեզուն, ազգային առանձնահատկություններն ու շահերը, իսկ ընդդիմադիրների համար՝ թիմակիցների գողոնը, նրանց զավթած կառույցները»,- այս մասին ԱԺ-ում հայտարարեց ԱԺ փոխնախագահ Ռուբեն Ռուբինյանն՝ անդրադառնալով ՀՀ վարչապետի՝ ՀԷՑ-ի ազգայնացման մասին հայտարարությանը։
Ռուբինյանի խոսքով՝ եթե ՀԷՑ-ում կա խնդիր, ընդ որում՝ անլուծելի, ուրեմն պետությունը կլուծի այդ խնդիրը:
Այնուհետև իշխող ուժի ներկայացուցիչն իր ելույթը շարունակեց ազգային արժեքների վերաբերյալ և հարց ուղղեց ընդդիմադիր պատգամավորերին։
«Ո՞րն է հիմա ազգային արժեք՝ հարցնում եմ: Հայ Առաքելական Եկեղեցին անառարկելիորեն ազգային արժեք է: Մեզ համար նորմա՞լ է, որ մեր ազգային արժեքի գլուխը, ըստ այդ ազգային արժեքի կանոնագրքի, պետք է լինի կուսակրոն, բայց կուսակրոն չէ: Սա նորմա՞լ է: Կեղծիքը հայկական ազգային արժե՞ք է»,- հարց բարձրացրեց պատգամավորը։
Ավելի վաղ Նիկոլ Փաշինյանը ֆեյսբուքի էջում գրել էր, որ հասունացել է Հայաստանի էլեկտրական ցանցեր ՓԲԸ-ն ազգայնացնելու պահը։
Մանրամասները՝ տեսանյութում։
Մանյա Պողոսյան
