Պետք է լուծվեն եկեղեցու՝ քաղաքականությանը և ընտրություններին չմիջամտելու հարցերը․ Մարիա Կարապետյան․ ՏԵՍԱՆՅՈՒԹ

«Քանի դեռ մեր եկեղեցին չի ընդունել մեր պետության գերակայությունը՝ որպես մեր ժողովրդի կամքի արտահայտություն, շարունակելու է լինել կայսրությունների մեջ դարեր շարունակ գոյատևելու համար ձեռք բերած հատկությունների կրող»,- այս մասին ԱԺ-ում իր ելույթում նշեց ՔՊ պատգամվոր Մարիա Կարապետյանը։

Նա անդրադարձավ նաև այն քննադատություններին, թե եկեղեցու սպասավորների կուսակրոնության հարցը քննարկելն անձնական կյանքի միջամտություն է:

«Այս քննադատությունը բաց է թողնում մի կարևոր հանգամանք. կուսակրոնությունը հանրայնորեն հանրահռչակված պայման է մեր հազարամյա վանքերը խնամելու համար և ոչ միայն դա անելու համար: Մեզ հետաքրքիր է ոչ թե ինչ-որ մեկի անձնական կյանքը, այլ երեսպաշտությունը, կեղծիքը դադարեցնելը: Պետք է լուծվեն եկեղեցու՝ քաղաքականությանը և ընտրությունների չմիջամտելու հարցերը»,- ասաց պատգամավորը։

Փաշինյանի թիմակիցը խոսեց նաև վարչապետի՝ որոշ հոգևորականներին ուղղված քննադատական բառապաշարին:

«Ոմանց նուրբ հոգիները ցնցվել են վարչապետի բառապաշարից: Իմ հոգին ևս, պարո՛ն վարչապետ, խստորեն դատապարտում եմ, սակայն ոմանց պարագայում այդ ցնցումն արժանի ցնցում էր, քանի որ արդեն որերորդ տարին է՝ գուբերնատորները, նրանց սպասարկող հոգևորականները, որոշ բլոգերներ կարծում են, թե երբ հարվածներ են հասցնում պետությանը, դուք պետք է ձեռքերը ներքև պահեք: Ինչո՞ւ եք բարձրացնում, ինչո՞ւ եք հարվածներ հասցնում»,- ասաց նա։

Մանրամասները՝ տեսանյութում։

Մանյա Պողոսյան