05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
Ինչո՞ւ է «Կրթվելը նորաձև է» շարժումը ֆինանսավորվում պետբյուջեից․ Փաշինյանի մեկնաբանությունը․ ՏԵՍԱՆՅՈՒԹ
Քաղաքականություն
18.06.2025 | 12:56
«Իմ գործունեության ցանկացած ձև, որ, օրինակ, եկել եմ Ազգային ժողով, հետո գնում եմ Ազգային ժողովից, այդ ամենը ֆինանսավորվում է Հայաստանի պետական բյուջեից՝ վարչապետի գործունեության շրջանակում»,- ԱԺ-ում լրագրողների հետ զրույցում ասաց վարչապետ Նիկոլ Փաշինյանը՝ պատասխանելով «Կրթվելը նորաձև է» արշավը վարչապետի աշխատակազմի միջոցներով իրականացնելու մասին հարցին։
Նա նշեց, որ «Կրթվելը նորաձև է» շարժումը համարում է իր՝ որպես վարչապետի, գործունեության չափազանց կարևոր մաս, հակառակ դեպքում շաբաթ, կիրակի օրերը, որոշ աշխատանքային օրերի աշխատանքային ժամեր չէր տրամադրի։
«Դա Հայաստանի քաղաքացիների հետ խոսակցություն է՝ փակ, խորհրդապահական, հանգիստ, դահլիճային պայմաններում։ Վարչապետի գործունեության մի մաս է, և Հայաստանի վարչապետի գործունեությունը չի կարող ֆինանսավորվել այլ աղբյուրից, բացի Հայաստանի պետական բյուջեից։ Այն հանդիպումներին, որոնց ես չեմ մասնակցում, դա պետական բյուջեից չի ֆինանսավորվում»,- ասաց Փաշինյանը։
Հարցին՝ ինչո՞ւ է գաղտնի պահվում, թե որքան գումար է ծախսվել արշավի իրականացման համար, նա ասաց, որ վարչապետի գործունեության, արարողակարգային այլ ծախսերի մեջ է մտնում, որը միշտ էլ գաղտնի է եղել։
Մանրամասները` տեսանյութում։
Նարեկ Կիրակոսյան
