16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
«Այս ապօրինի գործողությունները կործանարար են». ԱԺ «Հայաստան» խմբակցության հայտարարությունը
Քաղաքականություն
17.06.2025 | 23:49
ԱԺ «Հայաստան» խմբակցությունը հայտարարություն է տարածել՝ անդրադառնալով գործարար Սամվել Կարապետյանի դեմ իրականացվող գործողություններին։
«Հայ ազգի մեծ բարերար Սամվել Կարապետյանն այսօր, ի պատասխան վարչախմբի անբարո ոտնձգությունների, հանդես եկավ Հայ Առաքելական Սուրբ Եկեղեցու պաշտպանությամբ։
Անմիջապես հաջորդեցին Նիկոլ Փաշինյանի հաշվեհարդարի սանձարձակ կոչերը գործարարի նկատմամբ և ուժային կառույցներին ապօրինի հրահանգներ իջեցնելը։
Տարածաշրջանի բացառիկ վտանգավոր զարգացումների համատեքստում պետության կառավարման նման անթույլատրելի և անպատասխանատու դրսևորումներն ու ապօրինի գործողությունները կործանարար են և պահանջում են համազգային համախմբում»,–ասված է հայտարարության մեջ։
Ավելի վաղ հաղորդագրություն էր տարածել նաև Մայր Աթոռը՝ դատապարտելով տեղի ունեցողը։ Մարիա Զախարովան էլ հայտարարել էր, որ Մոսկվան ուշադիր հետևում է և անհրաժեշտ աջակցություն կցուցաբերի:
Սամվել Կարապետյանն էլ հայտարարություն էր տարածել՝ նշելով, որ հայ ժողովրդի սրբությունների համար պայքարելու է իր ողջ ուժով։
Ինչպես հայտնել էինք՝ հատուկջոկատայիններն այս պահին խուզարկություններ են իրականացնում Սամվել Կարապետյանի՝ Երևանում գտնվող տանը, կան բերման ենթարկվածներ։ Սամվել Կարապետյանի տան մոտ հավաքված են եղբայրը, նրա աջակիցները, այս պահին չկա տեղեկություն ձերբակալվածների մեջ նա կա, թե՝ ոչ:
