04.11.2026 | 17:41
Կրեմլում հույս ունեն, որ Թրամփը կշարունակի իր խաղաղարար ջանքերը՝ անկախ ընտրությունների արդյունքներից
Դպրոցի տանիքը 90 տոկոսով չկա. Արագածոտնի փոխմարզպետ․ ՏԵՍԱՆՅՈՒԹ
Տնտեսություն
16.06.2025 | 15:08
«Ապարանում աղետի հետևանքների գնահատում է իրականացվում, փոխհատուցման համար սպասում ենք՝ վնասի ընդհանուր չափը հասկանանք, նոր ներկայացնենք նախարարություն», – այս մասին Factor TV-ի հարցին ի պատասխան հայտնեց Արագածոտնի փոխմարզպետ Միլադա Հովհաննիսյանը։
«Անբարենպաստ եղանակով պայմանավորված և վնասի չափերը չմեծացնելու համար համայնքապետարանը մարզպետի աշխատակազմը ամեն ինչ անում է, որ որոշ չափով այդ վնասը կարողանանք այնպես անենք, փակենք, որ անձրևը, կարկուտը չվնասի։ Շատ մեծ վնաս է կրել դպրոցը, տանիքը 90 տոկոսով չկա»,- ասաց փոխմարզպետը։
Հովհաննիսյանը խուսափեց վնասների վերաբերյալ տվյալներ հրապարակելուց, նշելով, որ իրավիճակն ամեն պահի փոխվում է, և գնահատման արդյունքում նոր վնասների մասին տեղեկատվություն է ի հայտ գալիս։
Ներքին գործերի նախարարությունից հայտնել են, որ հունիսի 16-ի ժամը 09։00-ի դրությամբ Ապարանում վնասվել է 20 բազմաբնակարան շենքի, 86 առանձնատան, 3 դպրոցի, 1 մշակույթի տան, իրավապահ կառույցների 2 տարածքային ստորաբաժանման ու 24 կազմակերպության վարչական շենքերի տանիքներ։ Բացի այդ, վնասվել է 70 էլեկտրասյուն, 30 տրանսպորտային միջոց, 2 խաղահրապարակ։ Տապալվել է 100-ից ավել ծառ:
Մանրամասները՝ տեսանյութում։
Անի Թամրազյան
