Հարկային օրենսգիրքն «ապապետակա՞ն» է, թե՞ «արդար ու արդյունավետ»․ Վահե Հովհաննիսյանի պարզաբանումը․ ՏԵՍԱՆՅՈՒԹ

«2024 թվականին կառավարությունը կենտրոնացել է հարկային համակարգի արդարության, արդյունավետության, ինչպես նաև տնտեսության մրցունակությունը բարձրացնելու վրա»,- ասված է ֆինանսների նախարարության՝ 2024-ին կատարած աշխատանքների մասին հայտարարության մեջ։

Մինչդեռ, 2024-ի նոյեմբերին վարչապետ Նիկոլ Փաշինյանը ԱԺ-ում 2025 թ. պետական բյուջեի մասին օրենքի նախագծի քննարկմանն իր եզրափակիչ ելույթում հայտարարել էր, թե գործող Հարկային օրենսգիրքը «ապապետական» է, «չի խրախուսում զարգացումը, չի խրախուսում ավելի շատ փող աշխատելը»։

Այսօր ասուլիսում Factor TV-ին ֆինանսների նախարար Վահե Հովհաննիսյանից հետաքրքրվեց՝ ինչպե՞ս է, որ հարկային համակարգի «արդարությունն ու արդյունավետությունը» վարչապետը որակում է «ապապետական», ի՞նչ է փոխելու նոր Հարկային օրենսգիրքը, որ չեն կարողացել փոխել անցած տարիներին ՀՕ-ում իրականացված մոտ 100 փոփոխությունները։

«Հարկային օրենսգրքի աշխատանքների հետ կապված հայեցակարգային հարցերն են քննարկվում։ Կարծու եմ՝ վարչապետի դիտողությունը վերաբերում է նրան, որ որոշ դրվագներով մեր հարկային որոշ կարգովորումներ նպաստել են, որպեսզի որոշ տնտեսվարողներ հարկեր չվճարեն»,- պատասխանեց Վ․ Հովհաննիսյանը՝ օրինակ բերելով, որ շրջանառոթյան հարկի համակարգում գործող կազմակերպությունները փաստաթղթավորման պահանջ չունեն, և եղել են դեպքեր, որ թաքցրել են իրացումը, նաև որոշ դեպքերում տուգանքների այնխիսի ցածր մակարդակներ են սահմանված, որ խրախուսում են հարկ չվճարելը։

Նախարարն «անընդունելի» անվանեց ՀՕ-ում այդքան շատ փոփոխությունները ու նշեց, թե դրա համար են նոր ՀՕ մշակելու «ծանր աշխատանքը» նախաձեռնել։

Մանրամասները՝ տեսանյութում։

Գայանե Խաչատրյան