01.10.2026 | 15:18
Եթե տեսնենք սանկցիայի տակ ենք հայտնվում, որոշում կկայացնենք. Փաշինյանը` Իրանից թռիչքների արգելքի մասին․ ՏԵՍԱՆՅՈՒԹ
Ասում են`4 օրից լույս կլինի, գազն էլ՝ մոտակա օրերը. Ապարանի բնակիչ․ ՏԵՍԱՆՅՈՒԹ
Հասարակություն
16.06.2025 | 14:22
Ապարանի ավերիչ պտտահողմից հետո այսօր քաղաքում վնասների գնահատման ու վերականգնման աշխատանքներ էին տարվում։ Factor TV-ն շրջել է քաղաքում և արձանագրել, որ բազմաթիվ բնակիչների տներում կոտրվել են պատուհանները, վնասվել են պատերն ու արտաքին հարդարանքը: Տուժել են նաև հանրային նշանակության շենքեր, դպրոցներ, հանրային սննդի կետեր, պոկվել են ծառեր և սյուներ։ Քաղաքում այսօր գազը վերականգնվել է, սակայն դեռ չկա էլեկտրականությունը։ Ապարանում պտտահողմի հետևանքով 4 անձ մարմնական վնասվածքներ է ստացել, նրանցից մեկն անչափահաս է։
Բնակիչներից մեկը Factor TV-ին ցույց տվեց վնասված մեքենան։
«Տանն էինք, ուժեղ պտտահողմ սկսվեց, էտ «ժեշտերը» օդի մեջ պտտվում էին։ Ապակիները ջարդվել են, չգիտենք տան տեխնիկան ինչ վիճակում կլինի, լույս չկա, որ միացնենք, նայենք»,- ասաց Ապարանի տուժած բանկիչներից մեկը։
Համայնքապետարանից բնակիչներին հայտնել են, որ էներգամատակարարման վերականգնման համար մոտ չորս օր պետք կգա, գազի հարցն էլ խոստացել են առաջիկա օրերի ընթացքում կարգավորել։
Մանրամասները՝ տեսանյութում։
Անի Թամրազյան
