07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Իսրայելը ծանր գին կվճարի․ Իրանի ԶՈՒ խոսնակ
Քաղաքականություն
13.06.2025 | 07:39
Իրանի Զինված ուժերի խոսնակ, գեներալ Աբոլֆազլ Շեքարչին հաստատել է Իսրայելի կողմից Իրանի տարածքին, այդ թվում՝ բնակելի շենքերին հասցված հարվածները և ասել, որ Իսլամական Հանրապետության պատասխանը հարձակումներին կլինի կոշտ․ գրում է IRNA-ն։
Շեքարչին հայտարարել է, որ Իսրայելի կողմից գիշերային հարվածները, որոնք, նրա խոսքով, իրականացվել են ԱՄՆ աջակցությամբ, կստանան կոշտ պատասխան։
Հիշեցնենք, որ ԱՄՆ պետքարտուղար Մարկո Ռուբիոն հարվածների սկսվելուց անմիջապես հետո հայտարարություն էր տարածել՝ ասելով, որ Իսրայելը ձեռնարկել է «միակողմանի գործողություններ» և զգուշացրել է Իրանին ԱՄՆ-ի դեմ հակահարվածներից։
Իսկ Իրանի գերագույն առաջնորդ այաթոլլահ Ալի Խամենեիի հայտարարությունում ասվում է, որ «Իսրայելը իր համար պատրաստեց դառը և ցավոտ ճակատագիր, և այն անպայման կստանա»։
Ավելի վաղ Factor.am-ը հայտնել էր, որ Իսրայելը հարձակում է սկսել Իրանի վրա, միջուկային օբյեկտները ռմբակոծվել են, իսկ ԻՀՊԿ ղեկավարը սպանվել է։
Թարգմանությունը՝ Անահիտ Խաչատրյանի
