07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
ԱՄՆ-ը չի մասնակցել Իսրայելի կողմից Իրանի դեմ իրականացված ռազմական հարվածներին․ Ռուբիո
Քաղաքականություն
13.06.2025 | 07:28
Միացյալ Նահանգները հայտարարել է, որ չի մասնակցել Իսրայելի կողմից Իրանի միջուկային օբյեկտների ռմբակոծությանը, որը սպառնում է տարածաշրջանում խորացնել հակամարտությունը․ գրում է BBC-ն։
ԱՄՆ պետքարտուղար Մարկո Ռուբիոն հարվածների սկսվելուց անմիջապես հետո հայտարարություն է տարածել՝ ասելով, որ Իսրայելը ձեռնարկել է «միակողմանի գործողություններ» և զգուշացրել է Իրանին ԱՄՆ-ի դեմ հակահարվածներից։
«Մենք չենք մասնակցում Իրանի դեմ հարվածներին, և մեր գլխավոր առաջնահերթությունը տարածաշրջանում ամերիկյան ուժերի պաշտպանությունն է, – ասել է Ռուբիոն։ -Թույլ տվեք հստակ ասել. Իրանը չպետք է թիրախավորի ԱՄՆ շահերը կամ անձնակազմը»։
Հինգշաբթի օրը ԱՄՆ նախագահ Դոնալդ Թրամփը զգուշացրել էր, որ Իրանի դեմ ռազմական գործողությունը «կխաթարի» բանակցությունները, որոնք իր վարչակազմը վարում է Իրանի հետ՝ նրա միջուկային ծրագիրը զսպելու նպատակով։
Ավելի վաղ Factor.am-ը հայտնել էր, որ Իսրայելը հարձակում է սկսել Իրանի վրա, միջուկային օբյեկտները ռմբակոծվել են, իսկ ԻՀՊԿ ղեկավարը սպանվել է։
Թարգմանությունը՝ Անահիտ Խաչատրյանի
