12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Պիտի մի փուլ գա՝ ավտոներից կշտանանք, և տրանսպորտի հետ կապված շատ հարցեր կսկսեն լուծվել. Ավինյան․ ՏԵՍԱՆՅՈՒԹ
Տնտեսություն
11.06.2025 | 15:13
Երևան քաղաքում հավելյալ 250 ավտոբուսները ներմուծելու ժամանակ վստահաբար որոշակի հավելյալ խցանումներ ավելանալու են: Այս մասին ԱԺ մշտական հանձնաժողովների համատեղ նիստում 2024 թվականի պետական բյուջեի կատարման հաշվետվության նախնական քննարկման ժամանակ նշեց Երևանի քաղաքապետ Տիգրան Ավինյանը՝ պատասխանելով մայրաքաղաքում տրանսպորտային խցանումների մասին հարցին։
Ըստ նրա՝ խցանումներն ավելանալու են ոչ միայն այս պատճառով, այլև այն ժամանակ, երբ գծվեն նոր ավտոբուսային գծերը տարբեր հատվածներում։
«Երևան քաղաքում տրանսպորտային համակարգն այնպիսին է, որ բոլորիս ավելի հարմար է՝ ոչ թե գնանք այդ խցանումների մեջ մեր ավտոյով մնանք, այլ մտնենք ավտոբուս, նստենք մետրո, մյուսը և այդ ճանապարհով տեղաշարժվենք քաղաքով մեկ: Պիտի մի փուլ գա՝ ավտոներից կշտանանք, և տրանսպորտի հետ կապված շատ հարցեր կսկսեն լուծվել Ես վստահեցնում եմ՝ չկա մի եվրոպական քաղաքի հաջողված փորձ, որն այս ճանապարհով չի գնացել: Բոլորը, ովքեր գնացել են այս ճանապարհով, հաջողել են»,- տեսակետ հայտնեց քաղաքապետը։
Մանրամասները՝ տեսանյութում։
Մանյա Պողոսյան
