05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Փոխհատուցումների հարցը կքննարկվի կարկուտի վնասների ամբողջական գնահատումից հետո․ փոխնախարար․ ՏԵՍԱՆՅՈՒԹ
Տնտեսություն
11.06.2025 | 12:06
Կարկուտի հետևանքով գրանցված վնասների մեծ մասի գնահատականները պատրաստ են, սակայն աջակցման ծրագրերի վերաբերյալ վերջնական որոշումները կընդունվեն վնասի ամբողջական գնահատումից հետո։ Այս մասին ԱԺ մշտական հանձնաժողովների համատեղ նիստում 2024 թվականի պետական բյուջեի կատարման հաշվետվության նախնական քննարկման ժամանակ հայտնեց էկոնոմիկայի նախարարի տեղակալ Արման Խոջոյանը։
Փոխնախարարի փոխանցմամբ՝ այս պահին, ընդհանուր առմամբ, կարկտահարված հողատարածքները կազմում են շուրջ 8740 հեկտար։ Նախարարի տեղակալը նաև նշեց, որ 2023 թվականին գյուղատնտեսական ապահովագրության շրջանակում ֆերմերներին փոխհատուցվել է շուրջ 2,7 միլիարդ դրամ, մինչդեռ հավաքագրված ապահովագրավճարները կազմել են 1,8 միլիարդ, ինչը ստեղծել է անհամաչափություն։
«2025 թվականին եղել են քիչ թվով ապահովագրված հողատարածքներ։ Դա որոշակի առումով պայմանավորված է նրանով, որ ապահովագրական ընկերությունները զսպվածություն են ունեցել այն ռիսկերի հանդեպ, որոնց առերեսվել էին նախորդ տարիներին»,- նշեց Խոջոյանը։
Հիշեցնենք, որ մայիսին կարկտահարություն է տեղի ունեցել Արարատի, Արմավիրի, Արագածոտնի և այլ մարզերում։
Ավելի վաղ Էկոնոմիկայի նախարարությունից Factor.am-ին հայտնել էին, որ կարկուտի վնասները դեռևս հաշվում են․ գույքագրումից հետո Էկոնոմիկայի նախարարությունում կորոշեն՝ ինչպես աջակցել գյուղացիներին։
Մանրամասները՝ տեսանյութում։
Մանյա Պողոսյան
