21.06.2026 | 19:02
Ջեյ Դի Վենսը հայտնել է Իրանի հետ բանակցություններում առաջընթացի մասին
Ադրբեջանի, Թուրքիայի, Ուզբեկստանի, Ղազախստանի և Պակիստանի հատուկ նշանակության ուժերը համատեղ զորավարժություններ կանցկացնեն
Քաղաքականություն
11.06.2025 | 16:41
Բաքվում տեղի է ունեցել «Անսահման եղբայրություն-IV» բազմազգ զորավարժությունների պլանավորմանը նվիրված համաժողով, որոնք այս տարվա սեպտեմբերին Ադրբեջանում կանցկացվեն Ադրբեջանի, Թուրքիայի, Ուզբեկստանի, Ղազախստանի և Պակիստանի հատուկ նշանակության ուժերի մասնակցությամբ։
Ադրբեջանի ՊՆ-ի հաղորդմամբ՝ համաժողովի ընթացքում մասնակից երկրների հատուկ նշանակության ուժերի ներկայացուցիչները քննարկել են զորավարժությունների ընթացքը, կազմակերպչական հարցեր: Հանդիպման ընթացքում ուշադրության կենտրոնում են եղել հատուկ նշանակության ուժերի համատեղ օպերատիվ պատրաստության և նրանց միջև փոխգործակցության կազմակերպման հարցերը:
Նշվում է, որ կատարվել է զորավարժության գործնական փուլի մանրամասն պլանավորում, քննարկվել են տարբեր սցենարների դեպքում կատարվելիք առաջադրանքները: Համաժողովում անդրադարձ է կատարվել նաև ռազմական համագործակցության և փորձի փոխանակման կարևոր ասպեկտներին։
Ըստ հաղորդագրության՝ «Անսահման եղբայրություն-IV» բազմազգ զորավարժությունները նպատակ ունեն բարձրացնել մասնակից երկրների համատեղ գործառնական կարողությունները և նպաստել տարածաշրջանային անվտանգության ամրապնդմանը։
Թարգմանությունը՝ Էմմա Չոբանյանի
