23.05.2026 | 22:45
«Արարատ-Արմենիան»` Հայաստանի չեմպիոն
Շուտով շատ հետաքրքիր նորություն կլինի. Ալեն Սիմոնյանը` վերջին օրերի զարգացումների մասին․ ՏԵՍԱՆՅՈՒԹ
Քաղաքականություն
05.06.2025 | 15:15
Ալեն Սիմոնյանը չի բացառում, որ Սահմանադրության մեջ եկեղեցուն առնչվող փոփոխություններ կարող են լինել։
«Ես նման քննարկման չեմ մասնակցել, բայց չեմ բացառում, որ Սահմանադրության մեջ, եթե փոփոխություն լինի, այդ հարցը ևս այլ կերպ է ներկայացված լինելու, որովհետև Հայաստանը խղճի ազատություն դավանող երկիր է։
Կարծում եմ՝ եթե ինչ-որ կրոնական կառույց պետք է ունենա հատուկ կարգավիճակ, նշանակում է՝ պետությունը ևս պետք է դրա մեջ ունենա մասնակցություն, առնվազն՝ այդ կառույցը թափանցիկ դարձնելու համար»,-ասաց Սիմոնյանը՝ ի պատասխան այն հարցին, թե ինչպես է ՀՀ-ն վճռորոշ ձայն ունենալու կաթողիկոսի ընտրության հարցում՝ ինչպես վարչապետն էր գրել։
Սիմոնյանն անդրադառնալով ներքաղաքական թեմաներին՝ նշեց, որոշ մարդիկ ուզում են սպանություններ տեղի ունենան, և ինքը մտածում է, որ այնուամենայնիվ պետք է իր մեքենան փոխել և զրահապատել.
Հարցին՝ ո՞վ է ուզում նրան սպանել, պատասխանեց. «Օրինակ, վերջերս մի հատ սրիկա դաշնակցական, սրիկա ոչնչություն, որն իրեն իրավունք է վերապահել և հոկտեմբերի 27-ի մասին ասել, որ դա ընդվզում էր, պոռթկում էր։ Ասում էր՝ նման բան է տեղի ունենալու և դա ուրախություն է առաջացնելու։ Հասկանում եմ, որ այն մարդիկ, ովքեր ասում են անվտանգության մասին, զրահապատ մեքենայի մասին, ուզում են, որ ՀՀ-ում քաղաքական սպանություններ տեղի ունենան։ ՀՀ-ում 2018-ից հետո քաղաքական սպանությունների էջը փակված է, իսկ այդ դաշնակցական սրիկան պատասխան է տալու»,-ասաց նա։
Մանրամասները` տեսանյութում։
Նարեկ Կիրակոսյան
