29.04.2026 | 18:50
Ժոզե Մոուրինյուն արձագանքել է «Ռեալ» վերադառնալու մասին լուրերին
Մոսկվայում կցանկանային լսել, որ ԱՄՆ նախագահը դատապարտում է ՌԴ օդանավակայանների վրա ուկրաինական հարձակումները․ Պեսկով
Քաղաքականություն
05.06.2025 | 16:52
Մոսկվայում կցանկանային լսել, որ ԱՄՆ նախագահ Դոնալդ Թրամփը դատապարտում է Ռուսաստանի օդանավակայանների վրա ուկրաինական հարձակումները։ Այս մասին ճեպազրույցի ժամանակ ասել է ՌԴ նախագահի մամուլի քարտուղար Դմիտրի Պեսկովը, փոխանցում է Վեդոմոստին։
Պեսկովը հաստատել է՝ հունիսի 4-ի Պուտինի հետ հեռախոսազրույցի ժամանակ Թրամփն իսկապես ասել է, որ ինքը որևէ տեղեկություն չի ունեցել Կիևի կողմից հարձակման նախապատրաստման մասին։
«Բայց եթե խոսենք միջազգային գնահատականի մասին ընդհանուր առմամբ, իհարկե, մենք կնախընտրեինք լսել առնվազն այս ահաբեկչական հարձակման խիստ դատապարտում»,- ընդգծել է Կրեմլի խոսնակը։
Բացի այդ, նա նաև ասել է, թե Վլադիմիր Պուտինը Թրամփի հետ զրույցում հայտարարել է, որ Մոսկվան կպատասխանի Կիևի կողմից ռուսական օդանավակայանների վրա հարձակմանը։
Պեսկովը նաև հաստատել է ՌԴ նախագահի հետ հեռախոսազրույցից հետո Թրամփի այն հայտարարությունը, որ «Պուտինը շատ վճռականորեն ասել է, որ ստիպված կլինի արձագանքել օդանավակայանների վրա վերջերս տեղի ունեցած հարձակմանը»։
Ավելի վաղ Սպիտակ տան մամուլի քարտուղար Քերոլայն Լևիթը հայտարարել էր, որ Կիևը չի զգուշացրել Թրամփին ռուսական օդանավակայանների վրա անօդաչու թռչող սարքերով նախատեսված հարվածների մասին:
Հավելենք, որ նախօրեին Ուկրաինայի անվտանգության ծառայությունը (ՈւԱԾ) հրապարակել էր «Սարդոստայն» գործողության տեսանյութը, որի ընթացքում ուկրաինական անօդաչու թռչող սարքերը հարձակվել էին ՌԴ ռազմավարական ավիացիոն բազաների վրա։ Ըստ հաղորդագրության՝ ռուսական ինքնաթիռների ընդհանուր կորուստները կազմել են 41 միավոր։
Թարգմանությունը՝ Էմմա Չոբանյանի
