11.03.2026 | 23:28
Իրանի սպորտի նախարարը հայտարարել է, որ երկիրը չի մասնակցի ֆուտբոլի աշխարհի առաջնությանը
Սփյուռքում ոմանք ուշացած են համարում, կան նաև տարակուսածներ. Սինանյանը` Փաշինյանի գրառումների մասին․ ՏԵՍԱՆՅՈՒԹ
Հասարակություն
05.06.2025 | 13:05
Սփյուռքում կան տարբեր խմբեր, տարբեր անհատներ, հազարավոր կազմակերպություններ, որոնք տարակուսանք ունեն, կան խմբեր էլ, որոնք սա նորմալ ու ուշացած են համարում: Այս մասին ճեպազրույցի ժամանակ ասաց Սփյուռքի գործերի գլխավոր հանձնակատար Զարեհ Սինանյանը՝ անդրադառնալով վարչապետ Նիկոլ Փաշինյանի՝ հոգևորականների վերաբերյալ վերջին գրառումներին:
«Կան և՛ կողմ, և՛ դեմ մարդիկ: Նախ նշեմ, որ եկեղեցին ժողովուրդն է, այն անձիք են, այն ժողովուրդն է, որոնք ձևավորում են եկեղեցին: Եկեղեցին ինչ-որ շինություն չէ, եկեղեցին հիերարխիկ վերնախավ չէ, եկեղեցին ժողովուրդն է, հետևաբար՝ նման քննարկումները չեն կարող հարված հասցնել եկեղեցուն: Եկեղեցուն հարված են հասցնում այն անձիք, որոնք գտնվելով այդ հիերարխիայում՝ վարկաբեկում են եկեղեցուն, և արհամարհում են եկեղեցու ներքին կանոնակարգերը»:
Սինանյանի խոսքով՝ կան բացահայտ խնդիրներ եկեղեցական վերնախավի հետ կապված, որոնք ակնառու են ոչ միայն Հայաստանի ժողովրդին, այլև՝ ակնառու են սփյուռքի մեծ մասի համար. «Սա նաև պետության կայացման անհրաժեշտ փուլերից մեկն է: Երբ որ բոլորը պետությունում, իրենց պատասխանատվությունների մասով հաշվետվություն պետք է տան հայ ժողովրդին»,-եզրափակեց Սինանյանը:
Մանրամասները` տեսանյութում։
Նարեկ Կիրակոսյան
